LAZOS DE AMOR, Televisa|1996

Љубовни Врски е романтична мексиканска теленовела, снимена во Мексико, во 1996 година, во 100 едночасовни продолженија. Мексиканската продукција Телевиса издаде и оригинален ДВД пакет од серијата Љубовни Врски. Во пакетот се состоат двд цедеа, со сите 100 епизоди. Серијата стекна голем успех во целиот свет, а поради тоа и на мексиканските ТВ и Новеле Награди ги освои наградите за најдобра теленовела во 1997 година, најдобра песна, главна актерка, главен актер, најдобри споредни актер и актерка. Марија Пола како лик е прогласена за една од најдобрите негативки во историјата на мексиканските теленовели. Оваа теленовела ќе се памети и по шокантниот крај на серијата, кога продуцетнката Карла Естрада, остава голема мистерија за гледачите... дали на крајот остана жива Марија Гвадалупе или нејзината злобна сестра Марија Пола? Кај нас исто така оваа серија имаше голем успех, и покрај тоа што се емитираше на локалните телевизии.


ЉУБОВНИ ВРСКИ - LAZOS DE AMOR
Година на прикажување: 2 октомври 1995 - 23 фебруари 1996
Епизоди: 150


Марија Гвадалупе, Марија Фернанда и Марија Пола се три идентични близначки. Но, слични се само физички. Животот и судбината на секоја од нив се различни. Кога тие имале само 3 години, нивните родители трагично починале во сообраќајна несреќа. Тогаш, Марија Фернанда го изгубила видот, а Марија Гвадалупе исчезнала. Нејзината богата баба Мерцедес, со години безуспешно ја бара и целосно се посветува на таа потрага. Девојчето во реката го пронашла и одгледала сиромашната Ана Салас. Оздравувајќи, таа почнала на ништо да не се сеќава, па тогаш Ана одлучила да ја одгледа како своја ќерка. И Марија Фернанда се помирила со својата судбина, па пораснала во мила девојка. Додека, Марија Фернанда е сигурна дека нејзината сестра е жива, Марија Пола, трвдоглава и злобна, не сака ниту да ја обнови таа можност. Постојано крое заговори, за да себеси си одвои најголем дел од семејниот имот. Но, виновник на нејзината злоба се случките од минатото. И по толку години, Марија Пола единствено сака целата љубов на нејзината баба и нејзиниот чичко останат само за неа, а водена од таа болна и посесивна љубов кон чичкото и желбата таа љубов да не ја дели ни со сестрите, злобната близначка ќе посегне по животите на многу невини жртви, само за да го постигне саканото. Марија Пола останува запаметена за нашите гледачи како најдобро одиграна негативна улога во теленовела, а извонредниот крај шокира милиони гледачи низ светот, кога драмата ќе се одвива во ќуќата на баба и, каде Марија Пола ќе реши да расчисти со близначките кои и го попречуваат патот до болната љубов...