ALCANZAR UNA ESTRELLA, Televisa|1990

Досегнувајќи ѕвезда е мексиканска теленовела која ни ја раскажува приказната за една повлечена девојка и нејзината занесеност по тин идолот. Главните улоги ги толкуваат Маријана Гарца и Едуардо Капетиљо, бившите членови на мексиканската поп група "Timbiriche", кои воедно ги пејат и двете насловни нумери на серијата. Исто така и Патрисија Мантерола и Рикардо Арјона од групата "Garibaldi" изведуваат дел од песните во серијата, а имаат и кратко појавување во неа. Поради големиот интерес кој го предизвика новелата во јавноста, беше снимен и филм ”Повеќе од досегнување на една ѕвезда” и продолжение на новелата "Досегнувајќи ѕвезда 2". Продуцент на серијата е продуцентот на бендовите Timbiriche и Garibaldi, а писателката е Рита Мачедо која истата година кога се прикажувала теленовелата извршила самоубиство. На мексиканските ТВиНовеле награди, серијата ја освои главната награда за таа година.


ДОСЕГНУВАЈЌИ ЅВЕЗДА – ALCANZAR UNA ESTRELLA
Период на прикажување: 14 мај 1990 – 20 декември 1990
Епизоди: 100


Лорена Гејтан е повлечена и затворена грда девојка, целосно посветена на студиите која сонува дека еден ден дека ќе ја дофати и достигне својата тин ѕвезда и идол Едуардо Касабланка, познат пејач и глумец. Таа љубов која ја негува долго време е единствената причина за која мисли дека вреди да живее и да биде среќна. На една негова прес конференција каде ја промовира својата прва теленовела и својот нов музички албум, Лорена ја има првата можност да се запознае со него. Нејзината платонска љубов кон ѕвездата оди до таа граница што таа започнува да му пишува анонимни писма на Едуардо, додека пак нејзините другари и се потсмеваат на лошиот изглед. По некое време од коктел забавата каде го запозна идолот, Лорена и нејзината мајка одат на одмор каде случајно го среќаваат Едуардо кој таму снима сцени од неговата серија. Тогаш Лорена, водена од својата илузија и фантазија измислува дека е во љубовна врска со познатиот пејач и глумец. Тие муабети голем интерес предизвикуваат кај нејзините соученички кои исто така му се восхитуваат на пејачот но се зачудени како може една грдотија да има врска со него. Откако е откриена нејзината лага, Лорена паѓа во депресија, не и е мил животот, а во тоа не може да и помогнат ни нејзината мајка ни нејзината најдобра другарка.
Од друга страна, Едуардо е воодушевен од анонимните писма кои ги добива и платонски се вљубува во личноста која му ги пратила, а по повторната средба со Лорена, тој ја бакнува, воден од импулсот кој не го разбира. Сфаќа дека се вљубува во неговата обожавателка и решава да започне врска со неа. Откако продуцентите на Едуардо ја запознаваат милата девојка, го откриваат нејзиниот глумачки талент и за кратко време ја прават мега ѕвезда. Откако ќе влезе во светот на шоу бизнисот, Лорена ги добива првите непријатели Дебора Дувал и Роке Ескамила, успешни актери кои се против влегувањето на девојката во светот на филмот и против врската со пејачот. Тежок ќе стане патот на Лорена да го достигне врвот, да стане вистинска ѕвезда на тој начин што најпрвин имала можност да ја достигне ѕвездата на нејзиниот живот.

Улоги: Mariana Garza, Eduardo Capetillo, Angélica Ruvalcaba, Marcos Valdes, Andrea Legarreta, Enrique Lizalde, Alex Ibarra, Ricardo Arjona, Lorena Rojas