SIN PECADO CONCEBIDO, Televisa|2001

Sin Pecado Concebido - Љубов без гревови
Период на емитување: 28 мај 2001 - 28 септември 2001
Број на епизоди: 90

Синопсис:

Ова е приказна за љубовта помеѓу Адриан и Мариана, двајца млади кои треба да доживеат многу настани за да можат да бидат заедно.

Адриан е син на Клаудио и Ампаро, сопственици на фабриката за парфеми на ранчот „Ла Енкантада“, каде Мариана живеела од сосем мала под заштита на својата кума Ампаро. Но, непријатниот инцидент кога нејзината мајка умира ја тера да замине во интернат. Во интернатот, Мариана се запознава со мајка Анхелес и сестра Ховита, кои заедно со отец Гонсало стануваат нејзините духовни советници, поради тоа што Мариана планира да стане калуѓерка. Таму Мариана е предадена на католичката религија. По пет години, умира нејзиниот татко и таа е принудена да се врати на ранчот, за да се грижи за своите браќа и сестри. Тогаш Мариана повторно го среќава Адриан, кој само што се враќа од неговото студирање во Чикаго. И двајцата дознаваа дека нивната младешка љубов е сé уште жива, но тој е свршен за самозаљубената Ракел, која за ништо на свет не мисли да испушти таков богат свршеник. Мариана е принудена да ги слуша обвиненијата на својот брат, Кастуло, кој ја обвинува за смртта на татко им. Но кога дознава за вистинската причина за неочекуваното заминување на Мариана, тој решава да се одмазди.

Животот на семејството Мартоел е исполнет со сериозни проблеми. Емилиано, братот на Клаудио, секогаш не го поднесувал и е спремен на сé за да го уништи Клаудио и неговата фабрика. А Клаудио, од своја страна, започнува љубовна врска со убавата манекенка Монсерат, која полудува за него. Кога Анпаро дознава за измамата на својот сопруг, настојува за развод и решава да го смени од местото во фабриката. Адриан ја моли Монсерат да го остави Клаудио поради големата љубов кон него и да не му го нарушува животот и добростоечката репутација. Кога Клаудио дознава за тој разговор, го променува наследството и не му остава ништо на Адриан.

Адриан решава да ја остави Ракел поради Мариана, а Мариана е спремна на сé, за да не го навреди Адриан, дури и да ја пожртвува својата среќа. Алчноста и амбицијата ја заплашуваат нивната љубов без гревови.