SALOME, Televisa|2001/02

Саломе е снимена во 2001 година, а во главната улога ја гледавме Едит Гонзалез, нам добро позната по улогата на Есперанца од „Никогаш нема да те заборавам“. Серијата кај нас се даваше во утринскиот термин на А1 Телевизија, а приказната е за една девојка која заработува за живот како танчерка во еден бар...

Саломе - Salome
Земја на потекло: Мексико
Година: 2001/02
Епизоди: 150


Дејството на серијата се врти околу богатото семејство Монтенсино, во кој главниот збор го има мајката Лукреција. Таа наполно го доминира нејзиниот син Хулио, но е незадоволна со изборот на негова сопруга и единствена преокупација и е да добие внук, наследник на богатството. Ангела е сопругата на Хулио, но таа заболува од рак и не може да обезбеди наследник на богатството на семејството. Затоа Лукренција му предлага на Хулио да најде жена која ќе му роди дете. Хулио не е заинтересиран за тоа, се додека една ноќ неговиот шура Диего не дојде дома со две танчерки, Карисија и Саломе. Хулио е воодушевен од Саломе, особено кога таа заводливо ќе му игра и ќе го бакне. Од тој момент, животот на Хулио наполно се менува. Тој станува опседнат со Саломе. Саломе и Карсија работат во барот Руби како танчерки. Саломе е наполно различна од останатите кои работат во барот. Иако живее мизерен живот, таа преку ден студира, а ноќе работи како танчерка во барот за да обезбеди пари за студиите. Саломе и Хулио повторно ќе се сретнат, но заплетот почнува кога Саломе останува бремена од Хулио. Но, Хулио не може да ја напушти Ангела, а уште помалку да се ожени со Саломе. Саломе се согласува да и го даде детето на Ангела, мислејќи дека детето ќе расте опкружено со богатство, но во последен момент се премислува и бега со синот. Заминува во Мексико, каде го одгледува синот заедно со уште две деца на негова возраст од соседот во сиромашниот крај.
По дваесет години, Саломе се враќа дома со три машки деца, но со ново име Фернанда. Семејството Монтенсино не ја препознава, а Саломе дознава дека тие се во потрага по нејзиниот син кој е законски наследник на богатството. До крајот, Саломе ќе мора да крие кој е нејзиниот вистински син за да го заштити од злобната Лукресија и злобниот Диего, кој е спремен на се да го добие наследството. Но , Саломе на тој пат ќе мора да докаже дека не го убила таткото на Хулио...

Улоги: Едит Гонзалес, Гај Екер, Себастијан Лигарде, Моника Санчез, Мариа Рубио, Ниурка Маркос