AMARTE ES MI PECADO, Televisa|2004

Грев е што те љубам - Amarte es mi pecado
Земја на потекло: Мексико
Година: 2002
Број на епизоди: 90

Тој е маж во раните триесети, згоден, образован, пилот кој може да ја добие секоја девојка која ќе ја посака. Таа е сиромашна, но преубава девојка, која работи во локалната кројачница, издржувајки го својот болен татко, додека нејзиниот сон е еден ден таа да ги носи гламурозните фустани кои ги шие за дамите од високото општество. Нејзиниот болен татко Јакобо сака таа да се омажи за богат и познат човек... Таа е Леонора Мадригал, Норита за домашните, а тој Артуро Мендиосабал.

Под врелото сонце на Керетаро, сосема случајно се раѓа една љубовна приказна помеѓу двајца странци чија страст и физичка привлечност ќе ги натера да направат драстични промени во своите животи. Артуро и Нора ги живеат среќните денови на својата љубов, кога тој ќе добие покана за работа која не може да ја одбие. И додека тој го напушта малото градче,т аа останува со споменот од него и илузијата дека еден ден ќе биде негова сопруга. Во меѓувреме Артуро ја запознава младата новинарка Паулина, девојка со силна воља и високо интелигентно ниво. Двајцата сосема случајно ќе се опијат во еден локален бар, по што ќе ја поминат ноќта заедно.Трагедијата нема да биде толку голема ако Нора, девојката на која и симнуваше ѕвезди во внатрешноста, не останеше бремена, истовремено кога и Паулина ќе ја дознае веста дека очекува дете од пилотот со кој ја помина ноќта заедно. Чуствувајки се под притисок, Артуро ќе и ја признае целата вистина на саканата Нора, која разочарана од големата љубов му го враќа свршеничкиот прстен, притоа за себе чувајки ја тајната дека очекува дете од него, плод на големата љубов. Паулина, од другастрана, чуствувајки грижа на совест, а притоа знаејки колку Артуро ја сака Нора, одлучува да биде самохрана мајка и го ослободува истиот од секаква обврска со детето. Неколку месеци подоцна, кога Нора на свет ќе роди здраво момче, нејзината злобна маќеа Исаура ќе и го подари детето на својата ќерка Касилда, притоа уверувајки ја Нора дека родила мртвороденче. Целосно уништена и разочарана од судбината, Нора одлучува да направи пресвртница во својот живот, решава да ја искористи својата убавина, користејки ја слабоста на мажите, притоа да дојде до дамнешната желба: да биде богата и почитувана. Нора се претвара во жена каква што никогаш не била - одмаздољубива, кокетна, итра и спонзоруша со единствена цел: да му се одмазди на Артуро за зададената болка и слепата верба во љубовта. Таа го презира и љуби истовремено, но нејзината љубов ќе се претвори во грев.

Улоги: Јадира Кариљо (Нора),Серхио Сендел (Артуро),Алесандра Росалдо (Паулина),Рене Касадос (Хуан Пабло),Силвија Паскел (Исаура),Алексис Ајала (Леонардо),Тиаре Сканда (Касилда),Ингрид Мартз (Рената),Ерика Буенфил (Хисела)