LA MENTIRA, Televisa|1998

Лага е популарна мексиканска серија продуцирана од Carlos Sotomayor во 1998 година за ТВ куќата Телевиса. Оригиналната приказна е на Каридад Браво Адамс, а насловната нумера "Me Voy a Quitar de En Medio" ја исполнува Vicente Fernández. Оваа серија е римејк на сериите La mentira (1965) и El amor nunca muere (1982), а нова верзија е направена и од страна на Телемундо во 2008 година. Во серијата "El amor nunca muere", Едуардо Јањез го толкувал оикот кој во ЛАГА го толкува Серхио Басањез. Слична коинциденција со овие двајца актери има и со исти ликови кои соодветно биле глумени од Серхио и Едуардо во "Кога ќе бидеш моја" и
"Опиени од љубов". Во оригиналната првична приказна, дејството се одвива во амазонските шуми во Бразил, но поради потребите на снимањето, дејството тука се довива во модерно Мексико.


ЛАГА - LA MENTIRA
Година на прикажување во Мексико: 1998
Епизоди: 100


Деметрио Азунсоло доаѓа од Европа кога дознава дека неговиот полубрат Рикардо Платас се самоубил поради вина на некоја жена која го оставила затоа што немал пари. Деметрио решава да ја најде таа жена и да и се одмазди за смртта на брат му, но единствена траги кои ги има е дека името на жената започнува на буквата В и дека брат му ја запознал на хациендата на семејството Фернандез Негрет. Започнува сопствена истрага, постепено ги сложува коцкичките и така доаѓа до семејството Фернандез Негрет, каде неговиот полубрат работел пред неколку години.. Деметрио се претставува како пријател на Хуан Фернандез Негрет и така доаѓа во куќата на тоа богато и моќно мексиканско семејство. Така дознава дека таму живеат две девојки Вероника и Вирхинија, посвоени ќерки на дон Теодоро и доња Сара Фернандез Негрет, кои имаат само едно биолошко дете - синот Хуан кој студира во Европа, како чиј пријател се претставува Деметрио.
Вероника и Вирхинија се доста различни девојки; Вероника е динамична, но добра, а вистинскиот виновник за смртта на братот на Деметрио е всушност Вирхинија, зад чие ангелско лице се крие амбициозна, пакосна и препредена девојка која всушност го напуштила Рикардо откако дознала дека богатиот Хуан се враќа од Европа. Откако ќе се врати од Европа, Вирхинија се надева дека Хуан ќе се ожени со неа, но тој всушност е вљубен во Вероника. За да ја уништи Вероника и да и ги расипе плановите со Хуан, Вирхинија им кажува на Хуан и Деметрио дека Вероника си играла со срцето на Рикардо Платас и го напуштила, по што тој се самоубил.
Деметрио ќе започне истрага за минатото на двете девојки и ќе се посомнева во зборовите на Вирхинија дека виновникот е Вероника, за која верува дека имала многу мажи во минатото кои ги оставала и затоа прави совршен план за одмазда. Ја заведува Вероника со цел таа да се вљуби во него, се жени со неа и ја носи на својата хациенда каде животот ќе и го направи пекол. Меѓутоа компликациите настануваат откако Деметрио ќе сфати дека е вљубен во жената за која верува дека е виновникот за смртта на неговиот брат и на која сака сигурно да и се одмазди. Деметрио попушта пред љубовните дилеми и се впушта во авантура со Вероника, доживувајќи страстни и незаборавни романтични моменти. Полека сфаќа дека Вероника не е и не може да биде цел на неговата одмазда, туку тоа е другата девојка на тоа семејство, која го наведе да поверува во една ужасна лага.


Улоги: Kate del Castillo, Guy Ecker, Karla Álvarez, Sergio Basañez, Luis Gatica, Rosa María Bianchi,
Salvador Pineda, Carlos Cámara, Silvia Mariscal, Eugenia Avendaño