FRECUENCIA 04, Telefe|2004

Од авторот на "Verano’98" и од режисерот на "Chiquititas" е создадена тин серијата ФМ 04 која со солиден успех беше прикажувана по легендарните Млади Бунтовници и во нашата земја. Покрај тин елементот кој е примарен, "ФМ 04" има елементи на фамилијарна драма, мјузикл, романса, комедија. Интернационалниот назив на серијата е ФМ.04, слободата на музиката. Насловната нумера на серијата “Conozco un lugar” ја изведува Emanuel Arias. Во тој период во Аргентина биле прикажувани ФМ 04 и Флорисинета како тин серии, меѓутоа ФМ04 со рејтинг на гледаност од 14,2 ја надминала Флорисиента која имала нешто помал рејтинг од 12, 3.


ФМ 04 – FRECUENCIA 04
Година на прикажување во Аргентина: 2004
Епизоди: 120


Тие се на границата меѓу детството и зрелоста, живеат во најубавата доба од својот живот – тинејџерските години, каде срцето е многу посилно од разумот, каде јазикот не бира што ќе изговори, каде љубовта трае кратко, но остава длабок белег во срцата на тинејџерите. Секој од нив има свој сопствен стил на облекување и однесување кој нормално дека го копира од некоја си неговата светска ѕвезда која му е идол. Секој од нив има свои надежи и мечти и работи за остварување на истите.
И токму таа генерација на луѓе во оваа приказна се собрани на едно место во исто време во еден кварт во Буенос Аирес каде работат на остварување на своите соништа низ ритамот на песната и играта. Тоа место е еден стар магацин т.н. Ел Галпон, кој 22 тинејџери го претворуваат во свое катче каде пејат, глумат, играат, се смеат и ги споделуваат добрите и лошите искуства на младоста. Тоа катче станува нивен втор дом, каде ги искажуваат своите творечки и уметнички способности, а во центарот на магацинот е радиото кои сами го оформуваат и чиј главен уредник е Џегер. Во тој магацин, некој свири на гитара, некој на пијано, има соби, но местото не е куќа, има професори кои ги учат децата, но не е училиште, ниту се ставаат оценки. Целта е секој да го научи тоа што го очекува од тоа место, а важи само едно единствено правило: да се почитува слободата на другиот. Меѓу добрите пријателства и лошите друштва кои до тогаш ги имале, тинејџерите ќе научат да прават разлика меѓу фантазијата и трудот кој треба да го вложат за да го остварат својот сон кој до тогаш неостварено живеел само во нивните мисли.
Тие ќе живеат на прагот на зрелоста со се уште неоформени ставови, ќе научат да го бранат она што го сакаат, ќе научат дека копнежот се претвора во страст и љубов, ќе научат дека не треба да лажат и мамат за да го остварат тоа што го сакаат. Дури тогаш тинејџерите ќе го запознаат вистинскиот свет кој постоел надвот од стегите во кои биле држени до тогаш од нивните фамилии или од лошите друштва кои ги имале, некои ќе го доживеат и првото сексуално искуство, а некои длабоко ќе се вљубат, ќе се разочараат и депримираат. Она што постојано ќе ги расположува и ќе ги мотивира да продолжат понатаму е музиката која ќе ги спојува нивните срца.
Главните ликови во серијата се богатата Флоренсија и радио водителот Џегер, но на патот на нивната љубов ќе стои Џамбаз, кој е опсесивно вљубен во Флоренсија. На крајот на серијата, сите тинејџери се разделуваат и секој тргнува по патот на сопствената судбина. Го научија тоа што им беше важно за да опстанат во свет на вистински вредности, па сега се подготвени да зачекорат сами во светот на возрасните.


Улоги: Sebastián Francini (Maxi), Juana Repetto (Eva), Ludovico Di Santo (Jagger), Florencia Otero (Florencia), Gonzalo Heredia (Pedro), Arturo Meléndez (Fisu), Nora Albajari (Majo), Nataly Pérez (Nataly), Esteban Colletti (Lucas), Camila Fiordi Mazza (Ailín), Diego Vicos (El Colo), Guadalupe A. Lucchia (Malvina), Emanuel Arias (Nacho), Nicolás F. Llorente (Nico), Juan D´Andre (Juan), Juan Diego West (El Negro), Gastón Dalmau (Gastón), Bárbara García (Valentina), Gabriela Groppa (Lupe)