KACHORRA, Telefe|2002

Качора – Kachorra
Земја на потекло: Аргентина
Година: 2002
Епизоди: 150


Качора е аргентинска хумористична теленовела со неповторливата Наталија Ореиро во главната улога, која ја пее и најавната песна на серијата Cuesta Arriba Cuesta Abajо. Серијата која е снимена во Буенос Аирес достигна голема гледаност кај нас, како и во светски рамки како резултат на неверојатниот хумор и опуштениот тек на настаните.
Главната хероина е девојка од преградието која доаѓа од сиромашна и не многу култивизирана фамилија. Но, без разлика на нејзиното потекло и нивото на култура, таа е полна со оптимизам, голема позитивна енергија, волја за живот и откачена смисла за хумор. Качора е доста интересна личност, снаодлива, способна, забавна и духовита, подготвена да им помага на беспомошните луѓе и сирачиња, подготвена во секој момент да ги реши тешкотиите што и ги задава животот. Всушност, нејзиното вистинско име е Антонија Гереро и живее со татко и Франциско, но една измама ќе ја одведе во затвор. Обвинета е за убиство на бизнисменот Армендариз и неговата жена Карина ја праќа во затвор. Антонија бега од затворот и со променет имиџ се вселува во куќата на семејството Моравија. За неа не се загрижени само нејзиното семејство, туку и нејзиното момче Херман, калуѓерката и Карина Армендариз која по секоја цена сака да ја врати младата девојка во затвор. Таа сега се вика Качора, има туѓ идентитет и украдени документи на некоја дадилка која требало да дојде да работи во куќата. Така Качора доаѓа во богатата вила да ја извршува функцијата на професионална учителка, и во текот на целата серија постојано ќе бега од полицијата, плашејќи се повторно да не ја затворат. Во таа куќа се е чудно…Тука живее моќниот бизнисмен Бруно Моравија, кој по смртта на неговите родители ја зема моралната обврска да се грижи за неговите помали брат и сестра, но целосна подршка и помош добива од неговата тетка Бернарда и главната слугинка Пиерина. Приказната за Качора започнува со почетокот на нејзиниот живот во лукзуната куќа, каде како да запрел животот за семејството Моравија, нивниот живот тече монотоно и неинтересно. Необразованата и неискусна Качора ќе мора да се грижи и да ги едуцира проблематичните тинејџери Лаутаро и Хозефина, но и постојано ќе доаѓа во непријатни и смешни ситуации кои би можеле да ја откријат дека таа не е личноста која се претставува. Качора ќе внесе многу новини и весели момети во животот на Бруно, Лаутаро и Хозефина, но сите нејзини глупости единствено нема да им се допаднат на тетката Бернарда и Мерцедес, девојката на Бруно. Во таа ситуација кога ќе мора постојано да се советува и да го информира газдата на куќата Бруно, доаѓа и момент кога Качора ќе сфати дека постепено се вљубува во него. Измамничката и бегалецот од правдата сега станува хероина на љубовта, иницијатор за промени во животите на богатото семејство…Качора ќе мора постојано да бега од полицијата и ќе се обидува да го открие вистинкиот убиец на човекот за чие убиство е обвинета, не претпоставувајќи дека токму нејзиното момче Херман во соработка со Карина се вистинските убијци на богатиот бизнисмен. Качора влегува во љубовен триаголник на страст и конфликти со Херман и Бруно, но вистинскиот проблем настапува кога полицијата ќе и влезе во трагата и Бруно ќе открие која е всушност симпатичната и смешна девојка во која се вљубил….

Улоги: Наталија Ореиро, Пабло Раго, Мариа Роса Гало, Освалдо Санторо, Мариа Роса Фугазот, Хосе Мариа Монхе, Бетина Оконел, Јасмин Стјуард