CHISPITA, Televisa|1982

Чиспита е мексиканска теленовела од 1982 година која главно обработува приказна во која децата ја имаат доминантната улога. Серијава е римејк на серијата "Андреа Селесте" каде главната улога ја толкуваше Андреа дел Бока (Антонела), а во 1996 година Телевиса направи уште еден римејк на серијата кој овој пат се викаше "Луз Кларита". Насловната нумера "Chispita" ја исполнува Timbiriche. Главните улоги ги толкуваат Ангелика Арагон, Енрике Лизалде и Лусеро, која дебитира во светот на теленовелите со улогата на Чиспита.


ЧИСПИТА - CHISPITA
Земја на потекло: Мексико
Година: 1982


Приказната зборува за едно девојче сираче кое ќе помине низ многу возбудливи авантури и длабоки страдања за да на крајот ја пронајде својата мајка на сосем неочекувано место.
Марија Луиса и нејзиниот сопруг доживуваат сообраќајна несреќа, тој умира, а најлошото за Марија Луиса е што го губи сеќавањето и не може да се сети на ништо, па дури ни на името. Марија Луиса не се сеќава дури ни дека има ќерка. Затоа што формално малата Изабел останува сираче, отец Еухенио ја носи во сиропиталиште каде живее и расте добивајќи го прекарот Чиспита. Таму Чиспита ја запознава негувателката Луција, која е вусшност Марија Луиса, нејзината вистинска мајка, но и двете не се свесни за таа коинциденција. Мајката и ќерката живеат заедно во сиропиталиштето на свештеникот Еухенио, а не се свесни за врската која ги поврзува...
По неколку години, богатиот и почитуван вдовец дон Алехандро ја засакува 13-годишната Чиспита и решава да ја посвои и ја носи во неговата куќа каде живее со синовите Хуан Карлос и Лили. Во новиот дом, Чиспита ја запознава и слугинката Глорија во која препознава пријателка. Чиспита се спријателува и со Хуан Карлос, но не и со другиот син Лили и со тетка Ирене кои сакаат да ја исфрлат Чиспита од домот обвинувајќи ја дека е натрапничка која им ги одзема парите и грижата на дон Алехандро. Малата Чиспита сфаќа дека сето ова се случува затоа што е сираче на кое многу и недостасува мајчинската љубов, а посебна љубов токму препознала во учителката Луција и затоа постојано се враќа во сиропиталиштето за да биде со неа. Тогаш се појавува и Берта, сестрата на Марија Луиса која стапува во контакт со нејзината внука Чиспита и решаваат заедно да ја побараат Марија Луиса, за која мислат дека не е мртва. Само љубовта кон мајката е она која ќе ја натера Чиспита да го издржи трнливиот пат за да го оствари својот животен сон и ја запознае својата вистинска мајка.


Улоги: Лусеро, Анхелика Арагон, Енрике Лизалде, Леонарадо Даниел, Роксана Чавез, Наилеа Норвинд, Летисија Калдерон, Артуро Пениче, Роберто Соса