POR UN BESO, Televisa|2000

Ангели Несма Медина (Por tu amor, Apuesta por un amor, Al Diablo con los guapos) на почетокот на новиот милениум започна со реализација со една од најповторуваните адаптации во телевизиските новели, серија која има доживеано дури седум римејк-остварувања, а нашата публика оваа приказна ја знае како Muneca de trapo, новела прикажувана на Романтика ТВ. Во главните улоги се појавија Виктор Нориега и Наталија Есперон. Por un beso е римејк на: La Gata (Televisa), La Fiera (Televisa), Cara Sucia (Venevision), Sueno de amor (Televisa), Muneca de Trapo (Venevision), Seus Olhos (Rede Record)


ЗА ЕДЕН БАКНЕЖ - POR UN BESO
Земја на потекло: Мексико
Година: 2000
Број на епизоди: 115


Бланка Гарса е млада и убава пеачка со ангелски глас. Нејзиниот свршеник Маријано Диас е познат архитект, но она што Бланка не го знае за љубениот е тоа дека тој води двоен живот. Всушност, Маријано е веќе долги години женет со Рита со која има две децa - Даниел и Давид. Кога Бланка ќе ја открие мрачната тајна на Маријано, ја прекинува нивната свршувачка и започнува врска со Хулио Отеро, најдобриот пријател на Маријано и Рита. Хулио е нежен и ќе направи се за Бланка да се заљуби во него, а таа многу брзо ќе го отвори патот до своето срце, ќе го заборави Маријано и неговата измама, при што лудо ќе се заљуби во Хулио. Набрзо,по нивната венчавка, Бланка дознава дека очекува дете. Маријано огорчен од неизмерната среќа на неговата љубовница и неговиот пријател, подготвува план за реванш за да ги раздели штотуку венчаните. Користејки ја својата доверба која ја има неговиот пријател во него, Маријано ќе го натера Хулио да ги инвестира сите свои акции и пари во нелегален бизнис. Кога Хулио ќе дознае за злите намери на својот пријател, избива расправија помеѓу двајцата, при што Хулио ќе го турне Маријано низ прозорецот и истиот ќе заврши тешко ранет долу на асфалтот. Хулио ќе биде притворен поради обид за убиство и ќе биде осуден на 20 години казна затвор. Дента кога Бланка ќе роди ќерка која ќе ја нарече Асусена, Маријано ја посетува младата мајка во болничката соба и ја убива со зборовите: Ако не бидеш моја,нема да бидеш ничија. По смртта на Бланка, Маријано ќе ја остави на улица малата Асусена и од тој ден започнува нејзината трнлива судбина и поврзаност со семејството Диас де Леон. Дваесет години подоцна, Асусена е преубава девојка која многу наликува на покојната мајка. Асусена не е ни свесна дека нејзиниот татко е жив и дека се наоѓа во затвор. Живее сама во сиромашниот дел на Мексико, продавајки ливчиња за лотарија, колку да преживее ден за ден. Еден ден,на улица, продавајки лотарија, случајно ќе го запознае Даниел, синот на Маријано и така двајцата ќе се заљубат еден во друг. Наскоро кога Хулио ќе излезе од затвор и ќе ја пронајде одамна загубената ќерка, нештата ќе се променат...


Улоги: Наталија Есперон (Асусена/Бланка), Виктор Нориега (Даниел), Енрике Роча (Маријано), Ото Сирго (Хулио)

Шпица:
[/url]