LA OTRA, Televisa|2002

Другата е романтична теленовела која и покрај малиот рејтинг во Мексико, сепак е избрана за најдобра мексиканска теленовела во 2003 година на престижните TVyNovelas Premios каде доби награди и за најдобар главен актер (Хуан Солер), најдобра главна актерка (Јадира Кариљо) и најдобра сценографија. Насловната песна "La Otra" ја изведуваат Benny Ibarra и Edith Márquez, продуцент на серијата е веќе покојниот Ернесто Алонсо, а приказната е напишана од Лилиана Абуд. Со помал успех, серијата беше исто така прикажувана и во дел од балканските земји.


ДРУГАТА - LA OTRA
Земја на потекло: Мексико
Година: 2002
Епизоди: 90


Карлота Гиљен живее во Керетаро со мајка и Бернарда и сестра и Еухенија. Карлота студира музика, а Еухенија сметководство. Бернарда повеќе ја сака и фаворизира Еухенија, а Карлота ја смета за бескорисна и не очекува ништо од неа. И двете сестри живеат под строги наложени правила и начела од нивната амбициозна мајка и претставуваат затворенички во сопствениот дом. Бернарда е наизглед почитувана и примерна жена, но таа всушност била љубовница на Леополдо, богат човек од Гвадалахара. Карлота е ќерка на Бернарда и полусестра на Рамон, единствениот легален и законски признат син на дон Леополдо. Роман открива дека неговиот татко го поделил наследството на него и на ќерките на Бернарда, па затоа подготвува одмазда и не дозволува под никакви услови тоа да се случи. Бернарда знае дека кога ќе се омажат нејзините ќерки, таа ќе мора да им го даде нивниот дел од наследството од покојниот дон Леополдо и затоа чувствува голем страв да не ја загуби контролата на парите. Поради таа апсурдна причина, таа е против секој маж кој ќе им се доближи на нејзините ќерки и не дозволува никако да се омажат.
Карлота го запознава младиот доктор Алваро Ибањез и двајцата се вљубуваат. Алваро е од Мексико Сити и има помлад брат, Адријан кој е посвоен брат во семејството Ибањез. Иако родителите на Алваро секогаш воделе подеднаква грижа за двајцата синови, сепак злобниот Адријан чувствува голема омраза и гнев кон Алваро. Алваро и Карлота се среќни заедно, планираат венчавка, но се во постојан страв да не ги открие злобната Бернарда. Сепак Бернарда ги открива, се спротиставува, но со тек на време им дозволува да се венчаат криејќи ја нејзината задна намера зад таа дозвола.
Од друга страна, несреќна судбина ја прати и другата ќерка на вдовицата Бернарда Гиљен. Роман ја заведува и забременува Еухениа, сестрата на Карлота. Откако за тоа дознава Бернарда, ја испраќа Еухенија со слугинката Томаса во едно мало гратче да се породи. Таму Еухенија го запознава Сантос и се мажи за него. Но Еухенија се разболува, а Бернарда ја лаже дека Роман е нејзиниот полубрат со што предизвикува ќерката да умре побрзо. Откако ќе го роди детето, Еухенија умира обвинувајќи ја мајка и за нејзината несреќа, но пред тоа бебето му го дава на Сантос кој вистински научи да ја сака и почитува. Телото на Еухенија и е дадено на Бернарда и лошата Бернарда го лаже Алваро дека таа што умрела е всушност Карлота со цел да ги раздели двајцата вљубени. Бернарда му вели на Алваро дека телото на Карлота наводно не може да се препознае затоа што изгорело во некоја несреќа. Бернарда ја лаже и Карлота дека Алваро ја напуштил, со што и втората ќерка ја онесреќува. Карлота е целосно разочарана од раните кои и ги нанесе животот, оставајќи ја без саканиот и без сестрата, па затоа се обидува и да се самоубие. Поради измама, Алваро мисли дека Карлота е онаа ќерка на Бернарда која умрела и целосно потиштен и депресивен решава да замине да живее со родителите на нивната хациенда во селското место Моралес. Таму ја запознава Корделија Португал, која физички е идентична со Карлота и затоа Корделија, злоупотребувајќи ја таа сличност, решава да го завземе местото на Другата во срцето на Алваро. Злобната Корделија ги сака парите на семејството Ибањез и по секоја цена решава да се омажи со Алваро...

Улоги: Јадира Кариљо, Хуан Солер, Серхио Сендел, Жаклин Андере, Мануел Охеда, Хорхе Варгас, Хулио Брачо, Алехандро Авила, Азела Робинсон