LA VENGANZA, Telemundo,RTI|2002

Осветничка – La Venganza
Земја на потекло: Колумбија
Година: 2002
Епизоди: 127

Синопсис:
Голема трагедија пред 25 години ја обвило богатата Елена Фонтана кога и рекле дека нејзината новородена ќерка е мртва. Сепак, сега Елена е зрела жена, уверена дека ја нашла својата среќа со свршеникот Луис Мигел Ариза, млад и згоден човек, татко на мало и нежно девојче. Но, Елена веќе неколку години посетува спиритуални сеанси кај симпатичната преварантка Тобаго Кристмас, која ја уверува дека духовно комуницира со својата ќерка. Сестрата на Елена, Грација е убава, амбициозна, себична и злобна жена, која ја мрази и и завидува на Елена поради тоа што го придобила целото татково внимание со нејзината добродушност. За да и се одмазди, Грација го заведува Луис Мигел на неговата ергенска вечер, но тој не ја познава и не знае во какво сродство е оваа жена со неговата идна сопруга. На денот на венчавката, Грација го уценува Луис Мигел дека ќе и каже на сестра и дека воделе љубов, тоа го слуша Елена, која се разочарува од страшното неверство, добива срцев напад и веднаш умира…Во исто време умира и младата боксерка Валентина Диаз, која е сиромашна, живее со братот и мајката крај плажата, а работи за мафијата на Фернандо Валеруго. Во тој момент душата на Елена се сели во телото на младата боксерка Валентина. Валентина се буди во исто тело, но сега таа е Елена Фонтана. Елена во своето ново помладо тело не може да сфати што се случува, бега од болницата и ја бара Тобаго за да и го објасни тоа. Но, сега Елена во телото на Валентина има само една причина да живее: да се одмазди на својот сопруг и на сопствената сестра поради одвратното неверство. Успева да влезе во сопствената куќа и да се вработи како дадилка на ќерката на Луис Мигел, но мора да биде претпазлива ако сака да си ги оствари намерите. Во куќата на семејството Фонтана, Луис Мигел се вљубува во новата дадилка, што е и дел од планот за одмазда. Така Елена почнува да ја извршува својата одмазда, да води двоен живот, но и да бега од Фернандо Валеруго, кој ја бара за да му ги наплати долговите кога боксувала…Постепено ќе почне да открива и страшни тајни поврзани со нејзиниот татко, моќниот Данило Фонтана кој е во војна со опасниот непријател и мафијаш Фернандо Валеруго. Грација за да му се одмазди на нејзиниот татко поради љубовта и грижата која не и ја пружил, се здружува со Фернандо Валеруго, станува негова љубовница, но и одличен партнер во ковањето планови против целото семејство Фонтана, вклучувајчи ја и Валентина во нив. Семејствата Фонтана и Валеруго ќе започнат страшна меѓусебна војна која ќе трпи и жртви, и бес, но и љубов...Елена во новото тело дознава дека Валентина е всушност ќерката на Елена Фонтана, дека Валеруго и ја одзел кога ја родила и ќе дознае дека дедо на Валентина не е само Данило, туку и Фернандо Валеруго. Новата Елена ќе се трансформира и во Валентина со нејзината душа, но ќе биде и единствена алатка за помирување на закоравено скараните моќници Фонтана и Валеруго…