MAREA BRAVA, TV Azteca|1999

Вртоглава љубов - Marea brava
Земја на потекло: Мексико
Година: 1999
Епизоди: 99

Море, сонце, бикини, згодни тела и една сторија за голема љубов, авантури и страст е нишката на Вртоглава љубов, мексиканска серија, снимена и продуцирана од ТВ Ацтека. Насловната нумера Hielo y fuego ја исполнува Олга Тањон...Серијата е римејк на чилеанската теленовела Морски рај, а кај нас се прикажуваше на локалните ТВ станици. Ова е специфична теленовела за љубовта меѓу младите Алехандра и Даниел, девојка која посакува да биде среќна и дечко со авантуристичи дух, кој ја посакува слободата и авантурата. Таа романса ќе се роди под чистото небо, на прекрасните плажи во Мексико каде владее сјајна и топла клима, каде морето ги тера душите на вљубените да ја покажат својата храброст кон предизвиците....

На 27 години, младиот Даниел се враќа во Пуето Ваљарте, за да се погрижи за хотелот кој му го оставиле во наследство неговите родители, кои се убиени додека тој бил мал од страна на злобниот и амбициозен чичко Иван Андраде. Даниел студирал администрација и хотелиерство, па одлучен е конечно да ја дознае вистината за смртта на неговите родители и да се погрижи сам за нивниот бизнис. Но Даниел не знае дека неговата девојка Софија постојано прима пари од Иван за да го држи Даниел подалеку од бизнисот и од тој град. Иван се жени со богатата Изабел Ариета, сакајќи да и ги земе сите пари, а нејзината ќерка Алехандра го претчувствува двојното лице на Иван., кој е љубовник и на сестрата на Изабел, Соледад. Изабел умира во страшна сообраќајна несреќа, откако ќе дознае дека нејзиниот сопруг ја мами со сопствената сестра. Сега, Иван страстно почнува да ја посакува младата Алехандра, на која сака да и ги земе сите пари, кои не успеал да и ги земе на нејзината мајка. Алехандра заминува да живее во Пуертто Ваљарте и започнува да работи во хотелот на Иван како учителка по танц. Таму се запознава со Даниел, двајцата млади се вљубуваат и тогаш започнуваат нивните вистински неволји...Тие мора да ја одржат својата љубов, да го спасат хотелот од злобниот Иван, кој не сака само финанскиски да ги уништи, туку постојано ќе се обидува да ја добие Алехандра на сила и да ги раздели двајцата. Алехандра и Даниел ќе ги запознаат и вистинските пријателства на прекрасните плажи, но меѓу нив ќе насетат и непријатели...Рита е девојка која сака да стане позната ѕвезда, Гилда е добитничка на пари на лотарија, Ромул и Рем се браќа со специфични квалитети и способности....

Улоги : Анет Мишел, Хектор Соберон, Томас Горес, Глориа Пералта, Ангелика Арагон, Марсела Пезет, Виктор Гонзалес