Next Time

Next Time снимија спот за Убава



Изминативе два дена, на неколку локации во градот, се снимаше спотот за новата песна на Next Time - Убава. Спотот кој е различен од досега реализираните, е снимам со апарат Canon од серијата Mark, со кој во последно време своите видео-спотови ги снимаат познатите светски музички имиња – стои во дописот кој ни го испрати менаџментот на Next Time.
Во спотот, освен Мартин и Стефан, се појавуваат и повеќе ликови, кои својата задача ја извршија на најпрофесионално ниво и покажаа дека приказната за убавина не секогаш е врзана со бројот на годините. Спотот е во режија на Владимир Митревски Ѓуле. Атмосферата ја доловуваат фотофрафиите...



Песната Убава е дело на Лазар Цветкоски а текстот на Магдалена Цветкоска. Премиерното прикажување на овој спот се очекува пред поаѓањето на Мартин и Стефан за Белорусија и нивното учество на Славјански Базар, на концертот на евровизиските ѕвезди.

Стефан и Чуприна во љубовна врска


Нашата информација конечно се потврди на дело. Стефан Филиповски од рок-дуото “Некст тајм“ и згодната водителка на естрадниот магазин “Бекстејџ“, Драгана Чуприна, ги уловиме заедно! Тие двајцата добри шест месеци успешно ја криеја врската од очите на јавноста. Колку за потсетување, уште во првиот момент кога ја добивме информацијата дека популарната двојка е во љубовна врска, ги контактиравме, и ги добивме изјавите што гласеа вака: “Не знам од каде сте слушнале дека јас сум во врска со Драгана. Ја познавам, но никогаш не сум бил во љубовна врска со неа“, ни изјави Стефан. На нашето прашање што се случувало пред неговата зграда кога згодната водителка пристигнала нервозна, бидејќи популарниот рокер не сакал да ја претстави како своја девојка во јавноста, па и двајцата урлале пред влезот на цел глас, а на крај Драгана си фатила такси и си заминала, тој, низ смеење, во еден здив ни одговори: “Не ви е точна ни таа информација“.

Кога и се јавивме и на водителката Чуприна, таа збунето ни прокоментира, и на некој начин ги потврди нашите информации: “Навистина не знам што зборуваш и не сакам за ова да се пишува, бидејќи не е вистина“. Но ние секогаш сме на страната на вистината, па двојката што упорно негираше дека е во љубов, конечно беше фатена на дело. Воедно, дека тие навистина се заедно добивме потврда и од нивен близок пријател, кој сакаше да остане анонимен. Нашата акција за нивно разоткривање, опишана со зборови, изгледаше вака: Драгана минатата среда се подготвува да си замине од прославата на роденденската журка на дневниот весник “Вест“, му упатува дискретен поглед на нејзиниот дечко, кој во тој момент дава интервју за една телевизија. По нецели две минути, местото го напушта и Стефан и заедно со неговиот брат Мартин и менаџерката Симона се упатува кон паркингот, каде што им беше автомобилот. Тука почнува нашата потрага, која веќе на паркингот беше откриена од страна на тајните љубовници, кои не знаеја на кој начин да се сокријат и да избегаат од објективот на нашиот фотоапарат. Иако Мартин цело време се обидуваше да го одвлече нашето внимание, со цел да не го фотографираме брат му со неговата девојка, обидите му беа залудни. Драгана со невидена брзина се смести во автомобилот, криејќи го своето лице, и додека нашиот папарацо се уште ги фотографираше, таа речиси легна на задното седиште, но и тоа беше залудно. По овој доказ пред кој веруваме дека и тие ќе останат неми, се надеваме дека ќе се опуштат барем малку, па ќе почнат заедно да се појавуваат во јавноста. Ем Драгана ќе биде посреќна, ем ние нема да мораме да им создаваме незгодни ситуации, од кои никој нема корист.

"Некст тајм" и Тоше со најмногу номинации од фановите



Рокерите Мартин и Стефан од дуото "Некст тајм" и покојната поп-ѕвезда Тоше Проески имаат најмногу номинации од фановите на изборот на најдобри регионални бендови и изведувачи, кој е објавен на веб-страницата на регионалниот канал Ем-Ти-Ви, њњњ.мтв.рс/ема.
Во трката за најдобар регионален бенд или изведувач од македонските музичари номинирани се и: Кирил Џајковски, Каролина Гочева, Лозано, браќата Тавитијан и групата "Суперхикс", кои исто така ќе се натпреваруваат за титулата најдобар регионален изведувач на доделувањето на Ем-Ти-Ви Европските музички награди во Мадрид.
Номинирањето ќе биде отворено до 16 август, кога и официјално ќе биде објавен списокот на изведувачите кои влегле во најтесниот избор, по што ќе стартува гласањето. Сите посетители на веб-страницата ќе можат да гласаат за своите омилени бендови и изведувачи, а најдобрите петмина изведувачи од целиот регион ќе се натпреваруваат за титулата најдобар регионален изведувач на доделувањето на "Ем-Ти-Ви ЕМА 2010". Гласањето ќе заврши на 26 август, точно напладне, по што ќе биде објавен конечниот список.
Македонските љубители на музиката можат да ја посетат веб-страницата на регионалниот канал на Ем-Ти-Ви и да ги предложат своите фаворити за кои сметаат дека треба да ја добијат титулата "Ем-Ти-Ви ЕМА бест регионал акт".
Ем-Ти-Ви Јуроп мјузик авордс важат за едни од најпрестижните музички манифестации. Година ќе се одржат во на 7 ноември, во шпанската престолнина Мадрид. (Б.Б.)

Некст Тајм распалија во Хераклеја

По успешниот солистички концерт во Универзалната сала во Скопје, рок дуото Некст Тајм со сличен таков. Овој пат во рамките на Бит Фест, Некст Тајм вчера вечер во Хераклеја собраа многу фанови.



Балони, маички, цедиња од близнаците беа само дел од реквизитите со кои публиката покажуваше колку недостигал нивниот концерт во овој дел на Македонија.



Повеќе од два часа Мартин и Стефан ги забавуваа со своите хитови. Стари и нови песни, балади и брзи рок хитови. Публиката во еден глас пееше со нив а дечките видно изненадени не ни помислуваа да стават крај на оваа концертна приказна.



Крајот од концертот го крунисаа најголемите фанови на Некст Тајм кои излегоа на бината и на момците им подарија дресови со нивните имиња...
Извор: http://backstage.com.mk/daily/nekst-tajm-raspalija-vo-herakleja