Bobi Супер Модератор
Zodiac : Број на мислења : 11860 Birthday : 1987-02-20 Age : 37 Registration date : 2008-08-11
| | Џулија Робертс снима филм во Индија | |
Џулија Робертс под силно обезбедување снима филм во Индија, адаптација на книгата која ги освои сита читатели „Јади, уживај, моли се“ (Eat, Pray, Love).МИРЗАПУР, ИНДИЈА (АП) - Децата се качуваа по дрвјата, а селаните се туркаа на покривите на куќите завчера во малото село во северна Индија за да можат да ја ѕирнат оскаровката Џулија Робертс која таму го снима нејзиниот најнов филм "Јади, моли се, уживај". Редици полицајци, вооружени со бамбусови прачки, приватни телохранители и обезбедување во цивил ги држеа понастрана љубопитните посетители на страна додека ѕвездата од филмот "Прекрасна жена" се шеташе на сетот во селото Мирзапур, на околу 65 километри јужно од главниот град на Индија, Њу Делхи. Сетот беше заштитен со огромни црни паравани за да не може да се снима ниту да се фотографира од страна. Робертс беше облечена во тиркизна туника и лесни широки шалвари, традиционалната облека на милиони Индијки. Во филмот таа ја игра улогата на Американка која зад себе го остава проблематичниот брак и тргнува на духовно патување за самопронаоѓање. Индиските медиуми го покриваат секој нејзин чекор откако пред десетина дена пристигна во земјата во придружба на нејзините три деца. Обезбедувањето е непробивно и ангажирани се околу 350 локални полицајци и членови на обезбедувањето кои ја чуваат ѕвездата низ селото и блиското гратче Патауди, каде Робертс престојува во хотел кој порано бил палата. Снимањето на филмот почна пред неколку дена, со молитви од хинду свештеник. Весникот "Тајмс оф Индија" го цитираше свештеникот Свами Дарам Дев, кој изјави дека на нејзините три деца им дал имиња на хинду божества. "Близнаците Хејзел и Фајнес ги добија имињата Лаксми и Ганеш, а Хенри ќе го викаме Кришна Балми". Филмот е во продукција на Бред Пит, во режија на Рајан Марфи. Во филмот играат и оскаровецот Хавиер Бардем, Вајола Дејвис, Ричард Џенкинс и Били Крадап. | |
|
Вто Сеп 29, 2009 8:07 pm by Chris