На 14 септември стартува новата, седма сезона на серијата "One Tree Hill" која е сместена една година по финалната епизода на шестата сезона. Она што дефинитивно ќе остави печат на оваа сезона е тоа што ќе ги нема ликовите на Лукас и Пејтон, но од друга страна ќе има многу нови ликови и уште многу драматични ситуации. За сите кои ја изгледале шестата сезона, добар старт е следниов видео клип кој е само мал вовед во сезоната која следува.
Од скоро време на Сител телевизија (недела во 12.30 часот) се дава втората сезона, па за сите оние кои таму ја следат (или пак сакаат да ја следат) оваа серија, ќе дадеме еден краток осврт на првата сезона.
Дејствието е сместено во гратчето Три Хил во сојузната држава Северна Каролина. Тука живеат двајцата полубраќа кои на почетокот освен презимето не делат ништо друго. Лукас е талентиран кошаркар, но неговата талентираност можат да ја видат само неговите блиски другари, додека Нејтан е најпопуларниот и најдобриот кошаркар во гратчето. И двајцата се синови на поранешниот кошаркар Ден Скот кој ќе ги напушти Лукас и неговата мајка Карен уште пред Лукас да се роди. Тој подолго време успешно ќе ги држи момците подалеку еден од друг се додека судбината не го донесе Лукас во кошаркарскиот тим на градот. Освен кон кошарката момците почнуваат ривалство и кон истата девојка, Пејтон Соер. Но, работите сосема се менуваат и првата сезона има сосема поинаков крај - браќата се смируваат, Хејли, најдобрата другарка на Лукас ќе успее да ја разбуди светлата страна во Нејтан и нивната врска завршува со свадба, Лукас е растргнат помеѓу Пејтон и Брук, двете девојки кои ги сака, а Карен пак го одбива предлогот за брак од страна на Кит, братот на Ден.
Иако сето ова звучи како една обична шпанска серија, "One Tree Hill" е веројатно најдобрата тинејџерска драма направена последнава деценија - со одлична актерска екипа, совршена дозираност на драматика и брилијантно сценарио. дефинитвно серија која вреди да се погледне!
Преубава серија. Чим дошла до 7 сезона, значи и те како има гледаност. Жално што кај нас се откупени само првите две сезони. АКо не ги откупат другите, обавезно ќе си ја симнам до крај цела серија. На ова видео се гледа дека Брук е со некој нов тип, Нејтан е уште со кошарката, татко му Ден е уште тука, Нејтан и Хејли се заедно. Супер серија, мирна, топла семејна серија
Јас не знам што е одбивно во серијата. Оваа серија е од оние топлите серии со добро изградени ликови, со релативно споро дејство, нединамично, но сепак со извонредна содржина, преубави ликови.
Пет Сеп 11, 2009 10:39 pm by Beauty