Популарниот американски рок-бенд „Бон Џови“ во почетокот на следната година тргнува на голема светска турнеја, на која ќе го промовира новиот албум, кој ќе биде објавен на 10 ноември. Има голема можност во рамките на овие настапи составот да го посети и Белград, јавува „Блиц“. Информацијата за гостувањето на Балканот се' уште не е потврдена, но на интернет-страницата на фановите е напишано дека тие доаѓаат на 17 мај во 2010 година.
Иако на официјалната страница на групата се' уште нема потврда за претстојната турнеја, обожавателите веќе објавија дека таа ќе почне на 15 јануари и ќе има 85 концерти низ Азија, Европа, Северна и Јужна Америка. Европскиот дел на турнејата ќе почне на 6 мај во Москва, а покрај концертот во Белград, групата ќе настапи и во Загреб на 19 мај.
Сре Сеп 09, 2009 12:13 am by Burrows