Заради општо познатите економско–финансики состојби во земјава, Фестивалот Макфест не успеа да ја затвори потребната финансиска конструкција. Заради овие причини Фестивалот на забавни мелодии Макфест 2009 нема да ја одржи фестивалската приредба во формат и облик во која се одржуваше изминатите 23 години.

Имајќи целосна почит кон авторите, а согласно објавените критериуми од конкурсот за 2009 година, овогодишната музичка продукција ќе биде издадена на компакт-дискови. Исто така фестивалот прави напори согласно Законот за авторски и сродни права, јавно да ги изведе сите композиции од годинашнава продукција на една од македонските национални телевизии – стои во дописот на фестивалот.