Заврши и втората фолк вечер од интернационалниот фестивал Охрид фест 2009. И ако за време на првата, дебитанската вечер се помина во најдобар ред, овој пат тоа не беше така. За време на рекламите на ТВ Сител, пред самото вклучување и гласање од Долни Сарај се случи хаварија (падна струјниот систем) на летната сцена на Долни Сарај со што се прекинаа сите основни функции, се запали инсталацијата и со самото тоа не беше возможно да се продолжи со преносот, и нормално гласањето на фолк вечерта, иако како специјален гостин во жирито беше познатата српска фолк пеачка Неда Украден.
Целата публика беше преплашена и реагираше панично, сите излегоа од местото каде што се случуваше фестивалот. За среќа организискиот дел брзо реагираше и за брзо време се се среди, беше повикана и пожарната и се беше во најдобар ред со тоа што оваа вечер не го доживеа својот крај како што доликува.
Но затоа веднаш потоа во хотелот каде што се сместени сите учесници и организацијата, имаше мало мини прогласување во ресторанот Ревиера каде што беа прогласени победниците. Рака на срце, никој не очекуваше дека ова ќе се случи но, и тоа се случува.
На фолк вечерта на која што беа изведени 30 композиции, според гласањето на преставниците од публиката, по сумирањето на резултатите (иако незнам кога имаше време да гласа публиката во таа паника, без светло) наградите од публика беа доделени на следниот начин:
-Прва награда од публика ја доби песната “Имаш друга” во исолнение на Анета Молика (музика и аранжман: Дејан Момировски, текст: Борче Нечовски) со освоени 64 поени.
-Втората награда од публиката ја доби песната “Езерска вила” која ја исполни Петар Нечовски (музика и текст: Енвер Рашити, аранжман Јовица Каралијевски) со освоени 63 поени.
-Третата награда од публиката ја доби песната “Охрид ќе го паметам” во исполнение на Милован Секуловски (музика: Зоран Џорлев, текст: Бранко Николовски, аранжман: Тодор Трајчевски) со освоени 62 поени.
Интересно е што помеѓу сите оваа година доста квалитетни песни, разликата е премногу мала, само 1 поен. Останатите награди се:
Според Советот на фестивалот наградите беа доделени на следниот начин:
-Прва награда од стручното жири ја доби “Еден ден” Лидија Милошевиќ-Саманта (музика и аранжман: Дамир Имери, текст: Тони Биоритам)
-Втора награда од стручното жири “Втор пат се раѓам” Борче Наумовски (музика и аранжман: Дејан Момировски, текст: Борче Нечовски)
-Трета награда од стручното жири и припадна на композицијата “Лоша девојка” Пане панев (музика и аранжман: Дејан Момировски, текст: Борче Нечовски)
Останатите награди од фолк вечерта се:
Најдобар сценски настап: Ристе Наумовски
Најдобар дебитнат: Рубинчо Благадуша
Најдобра интерпретација: Весна Дошен
Најдобар текст: Борче Нечовски (за песната на Татијана Стефановска)
Најдобар аранжман: Дејан Момировски (за песната на Татијана Стефановска)
Награда “Аце Ангелевски”: Милица Кузмановска – “Е мој Охриде”
Награда “Долни Сарај”: Милован Секуловски – “Охрид ќе го паметам” и
Најтрубадуркса песна: Нино Величковски и Кумановски тамбураши – “Биди ми бисер”.
Како што беше најавено на денешната прес-конференција, поради вчерашното вонредно случување на летната сцена на Долни Сарај, и поради синоќешното недоделување на наградите истите ќе бидат денес доделени пред почетокот на поп вечерта со почеток во 20.45 со пренос на ТВ Сител и сателитскиот канал Сител 3.
Денес, меѓуостанатите информации на пресот беа соопштени и композициите и изведувачите кои од дебитанската вечер влегуваат во вечератшната поп вечер и кои ќе може повторно да ги видиме, а тоа се:
1.Емилија Цветановска – “Латино”
2.Марија Хаџи – Стојанова – “Непозната галаксија”
3.Рафинерија – “Пополека”
4.Филип Кирјаку – “Неверна”
5.Давид Гром – “Сакај ме”
6.Адам Лабунски – “Прекрасен сон” (трето место на дебитанската вечер)
7.Стуцк он – “Барам утеха” (второ место на дебитанската вечер)
8.Рогер бротхерс – “Типка лудница” (прво место на дебитанската вечер)
9.Бојан Алексовски – “Крај”
10.Еленија – “Секој ден”
11.Симона Поповска – “Виновен”
12.Ангелина Стојановска – “Остани”
13.Теодора Трајковска – “Неспокој”
14.Анета – “Незнаеш дека постојам”
Се надеваме дека и оваа вечер ќе бидете дел пред малите екрани или лично тука во Охрид ќе го погледнете 16-тото издание на Охрид фест.
Саб Aвг 29, 2009 12:21 pm by Гостин