Cosmofon објави нова услуга LiveTV за своите корисници на 3G телефоните. LiveTv ќе им овозможи на корисниците да следат четири македонски телевизии на телефонот: Сител, А1, Канал5 и Ера, а се што ќе биде потребно е да се биде во подрајче опфатено со 3G мрежата и да се пристапи на wap.planet.mk, мобилниот портал на Cosmofon.
Интересна услуга од Cosmofon, но еве што мислат другите за тоа:
(Коментарите се од дискусијата за оваа вест на форумот на IT.com.mk)

„Ајде напредуваме, уште некој мобилен оператор да влезе кај нас и ќе ги имаме истите услуги со сите европски држави“
„Како што разбрав од што кажаја на телевизија едно 100 пати, 30 денари за половина час гледање телевизија, а и не е скапо, ама мене нема да ми треба во блиска иднина.“
„Абе кој ќе си вади очи да гледа телевизија на мобилен...па ТВ па ќе гледа.„
„Ај да има нешто интересно по програмиве па да кажеш да се гледа ТВ...Кај не гледам ТВ воопшто, па уште да глеам на мобилен.“
„Дечки за нас и за некој друг можеби нема потреба... Но да речеме некој има потреба секој ден да гледа вести а не е дома ова му е одлична можност да може да си гледа нешто што го следи редовно кога не е дома.“
„Мислам дека тој што има потреба од такви информации веќе има нет на мобилниот и знае како да ги искористи можностите за да стигне до потребните информации + кои се термините за вести, а кои се термините за интернет вести.“
Интересен коментар има и на сајтот на А1, кој го споменува излегувањето на Adobe Media Flash Player за мобилните.

„За октомври е најавено излегувањето на Adobe Media Flash Player за мобилни оперативни системи Simbian и Windows mobile, ака што сите македонски телевизии ќе можат да се гледаат преку zulu.mk и тоа бесплатно. Потребно е само да имате WiFi пристап во кафиќ, трговски или дома.“

Споменатиот Adobe Flash e верзијата 10 која е потребна да се гледа Zulu.mk. А Symbian и Windows Мобиле се оперативните системи со кои работат 3G телефоните кои ги нуди Cosmofon. Но Zulu.mk е услуга на On.net.mk, кои се во сопственост на Telekom Slovenia Group кои пак го купија Cosmofon.

Интересна забелешка во секој случај, но од друга страна и интересна услуга од Cosmofon.