Нарачувал убиства за да ја зголеми гледаноста на неговата емисија. Бразилската полиција го обвини водителот на телевизиска емисија за црна хроника Валас Суза, дека заедно со својот син нарачал најмалку пет убиства и ја праќал телевизиската екипа да известува од местото на настанот.
Со прикажувањето на ексклузивните снимки од местата на злосторствата, гледаноста на емисијата на суза рапидно се зголемувала.„Тој и неговиот син нарачуваа убиства и со тоа правеа вести“, изјави Томаз Васконцелос, шеф на полицијата.

Емисијата на Суза е укината. Поранешниот пратеник и неговиот син Рафаел, освен за убиство, се товарат и за трговија со дрога и илегално поседување оружје. Се претпоставува дека убиствата ги нарачале за да ги отстранат ривалите во трговијата со дрога. Во тоа имале помош и од полицијата. Рафаел е во притвор, а неговиот татко повикувајќи се на пратеничкиот имунитет се уште е на слобода.

Ги отфрла обвиненијата, наведувајќи дека тоа е обид на неговите ривали да го дискредитираат. „Од целата истрага која досега беше спроведена од полицијата, досега не беа презентирани никакви докази против Суза“, изјави Франциско Балиеро, адвокат на Суза.

На обвинителите, судиите и останатите кои работат на овој случај понудена им е постојана полициска заштита, откако во неколку наврати примиле сериозни закани по нивниот живот.

Извор: А1