Стотици разгневени фанови се собраа денес уште пред почетокот на пуштањето на новите карти за фудбалскиот натпревар против ШпанијаСвирежи, пцовки и викање од стотици грла пред билетарницата на Националната арена Филип Втори беше денешната слика кога и започна заменувањето на купените билети за претстојниот фудбалски натпревар со репрезентацијата на Шпанија.
Турканиците беа неподносливи, па некои од луѓето кои дошле рано наутро да чекаат ред се откажаа од замор и исцрпеност од топлото време.
Нови карти нема да бидат пуштени, а замената на старите оди бавно. Иако ФФМ најави дека нема да се дозволи купување на повеќе од три влезници за една личност, и тоа се допушти. Полицајците во службени униформи само стоеја на страна и не воспоставија никаков ред, со што само се создаде поголем неред.
Стигна и амбулантното возило кое застана далеку од толпата и кое требаше да им пружи помош на сите луѓе кои се онесвестуваа, но тие беа качени на кровот од билетарницата. Единствена форма на освежување беа ладните минерални води и сокчиња кои еден постар господин ги продаваше.
Претставници од повеќе медиуми го снимаа овој дебакл во организацијата на ФФМ, а разгневените луѓе кои беа присутни не се штедеа на погрдни зборови за главните на ФФМ. Вакво понижување и ваков дебакл одамна не се памети.
Тоа што требаше да претставува гордост по повод јубилејот се претвори во срам за ФФМ, за македонскиот фудбал, но и за Македонија како држава.
Извор:
Форум
Пон Aвг 10, 2009 6:07 pm by Beauty