Концертот на американската поп ѕвезда Мадона, предвиден за 20 август во Љубљана, е откажан, соопшти денеска агенцијата за организирање на нејзинитe настапи „Лајв нејшн“.
Како причина за откажување на концертот, што требаше да се одржи на љубљанскиот хиподром „Стожице“, се наведени „логистички проблеми“.

Словенечките медиуми претходно шпекулираа дека концертот би можел да биде откажан „заради слабата продажба на влезници“.

Цената на билетите се движи од 60 до 550 евра, а организаторите очекуваа околу 60.000 посетители.

Од „Лајв нејшн“, исто така, соопштија дека кралицата на поп музиката ќе ги одржи најавените концерт во Минхен на 18 август и во Будимпешта на 22 август.

Мадона на 24 август треба да одржи концерт и во Белград. На купувачите на билети за љубљанскиот концерт ќе биде овозможено да си ги добијат назад парите почнувајќи од следниот понеделник - 17 август.

Извор: А1