Македонија триумфираше на финалната вечер "Песна на летото"на фестивалот "Сунчане скале" во средата во Херцег Нови. Калиопи и Наум со песната "Рум дум дум" ја освоија Гран при наградата и победија со 83 освоени поени.Калиопи и Наум цело време за првото место се тркаа со уште еден наш дует, Ристо Самарџиев и Зоран Џорлев кои излегоа втори на табелата со 73 поени со песната "Бијели лабуде"
Третиот македонско-српски дует излезе третопласиран.Маја Оџаклиевска во дует со младиот српски пејач Никола Буровац го освои третото место со 68 поени.
- Распеаните Македонци ви ги земаа првите три места", рече Маја Оџаклиевска која изгледаше незадоволна од пласманот. Сепак таа рече дека и е драго што победила нејзината другарка Калиопи и ја прегрна на сцената. Калиопи пак беше среќна што дојдоа нејзините пет минути откако на домашниот Евросонг во февруари истиот дует излезе второпласиран. Таа и Наум ќе си ја поделат наградата од 3.000 евра. Влатко Илиевски со песната "Најбогат на свет" имаше одличен настап и се плсираше на 14-тото место со освоени 27 поени. Од Македонија како членови на жирито беа избрани Љупчо Мирковски, уредник во МТВ кој се јави телефонски и уредникот на "Бекстејџ" Александар Блажевски кој беше меѓу 12-членото интернационално жири. Блажевски 12-ка даде на дуетот Самарџиев и Џорлев, 10-ка за Калиопи и за Наум, 8-ка за Маја Оџаклиевска и 7 поени за Влатко Илиевски. Фестивалот на средина на програмата беше прекинат поради силниот дожд, па жирито гласаше директно од сцената. Голем дел од упорната публика остана на своите места и покрај дождот го проследи 15-тото издание на фестивалот.Автор на победничката песна е Кире Костов, а на второпласираната се Григор Копров, Огнен Неделковски и Владимир Дојчиновски.
Извор:
http://backstage.com.mk/daily/makedonija-pobedi-na-sunchane-skale
Чет Jул 09, 2009 7:52 pm by solange