Нешто натприродно или вонземско!

Дечки од овој момент нема да има човек што ке може да ми каже дека не постои нешто натприродно или вонземско...

Седев во двор пред пола саат со мајка ми и баба ми и само од некаде се појавува зелена фосфорна топка во големина на ѕвезда, пропратена од доста долг зрак позади неа, си помислив дека е ѕвезда што паѓа па дури си помислив и желба ( кој БОТ )

помина набрзина и веќе не го гледав поради куќата што е во другиот двор, одеднаш се освестив и си реков АБЕ ОВА НЕ Е ЅВЕЗДА и истрчав да го видам баба ми потрча по мене и падна бе јас и мајка ми го видовме повторно одеше во истиот правец, и одеднаш се раздвои стана како зрак од ласер, ама потполно исто и одеднаш го снема

сеуште сум вознемирен не знам што да мислам и верувајте не е ѕвезда ни нешто слично, жив ке се изедам што немав апарат до мене!

Не зезаш, така?

Дури сега го гледам топиков

Леле стварно?? Бидејќи јас никогаш не сум верувал во такви работи

Абе луге верувајте нема зашто да лажам од вчера до денес на сите го кажувам уште не ми се верува што видов

Знам дека не лажеш,само се прашувам што може да биде

можно ли е тоа што јас го видов да е поврзано со оваа статија на ИДИВИДИ, нова е






Момче преживеа удар од метеорит

Четиринаесет годишно момче успеа да преживее директен удар од метеорит кој падна на Земјата со брзина од 13 411 m/s.

Герит Бланк (14) тргнал кон своето училиште кога видел ,,светла топка“ која паѓа од небото и се упатува директно кон него.


Црвеното парче метеорит, со големина на зрно грашок, ја удрило неговата рака,се одбило од неа и направило кратер во земјата.

Тинејџерот
го преживеал ударот и покрај тоа што шансите за преживување во случај
на ваква појава се еден на милион. Од ударот се здобил со лузна од три
сантиметри.

-Отпрвин видов голема светлина во вид на топка и
тогаш почувствував болка во раката. По една секунда имаше силна
експлозија како удар од грмотевица, истакнува малиот Бланк.
Германските научници ја испитале малата карпа и дошле до заклучок дека навистина потекнува од вселената.

-Тоа
е вистински метеорит, па затоа е мошне вреден за колекционерите и
научниците, изјави Ансгар Кортем, директор на германската опсерваторија
Walter Hohmann.

Интересно е да се забележи дека единствениот
случај во кој човек преживеал удар од метеор, се случил во Алабама, САД
во ноември 1954 година, карпа со големина на грејпфрут, која го пробила
покривот на една куќа, отскокнала од мебелот и завршила врз заспаната
жена.

Веројатно било метеорит.
Многу ме интересираат вакви теми, сакам да постојат вонземјани, знам дека постојат, ама не сум баш сигурен дали некогаш дошле на Земјава. А има теории, теории, документарки...

Ама Игор ова не беше метеорит, највеќе што ме чуди е неговото исчезнување, како тенка линија од зрак на ласер и одеднаш го снема, како се вознемирив не знаев што да очекувам од тоа

Ајјјјјјјјјј ццццццццц замисли си и некој од нас да го погоде

просто да неверуваш ја порано читав имаше м магазин ли се викаше списанието за вакви работи ,тоа баш порано баба ми ги имаше тиа списанија
и имаше доста работи сеа не можам да се сетам на кој сеуште не верувам дека се вистинити

Јас верувам во овие работи, интересни ми се

само што про4итав за ова крис
едноставно не ми се веруе јас не верувам во такви работи ама пак мислам дека 100 посто не лажеш
сега малку се исплашив
инаку неверојатна работа е тоа

Леле конечно нешто што се совпаѓа со она што јас го видов, после толку време го најдов истото на видео, погледнете и сами






некаде накај 4:20 мислам е, кога се покажуваат како повеќе, тоа е она што јас ви викав дека го гледав како ласерски зрак само што јас го видов на крајот, и одкога се појавија повеќе отидоа подоле мислам и пошто Скопјево ни е опкружено со планини се изгуби позади неа не го видов повеќе

единствено нешто што ме буни е датата, мексиканецов го снимил на 22 Мај, а јас сум го видел на 12 Јуни, ве уверувам дека исто вакво видов!

Eпа сега е за верување,леле ова е неверојатно.Што ли може да биде? и тоа две се појавија..

Тоа биле повеќе само што јас од далеку ги гледав како ласерски зрак, а он ги гледа точно како што се затоа што има голем зум на камерата

Да размислуваме логички.Зошто токму само на нашата планета би имало живот и услови за истиот,кога знаеме дека постојат многу планети надвор од нашиот сончев систем,што значи дека воопшто не ме чудат овие појави.
Единствено не ми е јасно,зошто вонземјаните се претставени со облик различен од човечкиот.Ако на секоја планета се потребни исти услови за живот,тогаш зошто би биле различни?

Pitt напиша:

Единствено не ми е јасно,зошто вонземјаните се претставени со облик различен од човечкиот.Ако на секоја планета се потребни исти услови за живот,тогаш зошто би биле различни?

Не мора да значи. Ние сме еволуирале во овој облик, а со нас на планетава има Бог знае колку други суштества на кои им се потребни истите услови за живот. Од нив, пак, има и многу мутации. Се покажало дека бактерии и такви некои минијатури ( ) живеат и во екстремно ладни/топли околини, во кои друго суштество не би преживеало. Што значи вонземски живот може да се појави во каков било облик.

Како што кажав во еден претходен пост, мене овие теми ми се многу интересни и веќе неколку години гледам документарки по кабелскиве канали кога ќе фатам, а сум читнал за овие случаи и по книги. Сум слушнал разни мислења: од најголеми скептици до ултра-убедени фанатици. Јас сум во средина. Работата е што е испопуларизиран и погрешно сфатен тој назив НЛО - неидентификуван летечки објект, што не е еднакво со нешто вонземско. Може тој неидентификуван објект слободно да е човечко дело. За жал, од масата се кријат многу работи, најдобар пример е онаа област 51 во Невада, Лас Вегас. Никој не знаел што точно се случува таму, се случиле некои видувања на чудни објекти и луѓето ги нарекле НЛО/вонземјани, што на американската влада и` одговара, зашто тоа е всушност воена база и Американците таму експериментираат со нови летала и оружја.
Во 50-те години кога овој феномен заземал најголема сила, толку била наметната оваа тема по радија, телевизија (научно-фантастични шоуа и филмови), стрипови, што многу луѓе немале свое мислење и почнале слепо да веруваат во тоа = да гледаат НЛО-а на сите страни. Ова е една интересна случка: При една радиодраматизација на Војна на световите од Х. Г. Велс, луѓето не сфатиле дека тоа е всушност драма и почнале да паничат низ цела Америка, бегајќи и затворајќи се во домовите, мислејќи дека вонземјаните ги напаѓаат. Истово излегло и во весници итн. се` додека не била разјаснета ситуацијата.

Настрана од модерново доба, има и некои интересни цртежи од древни времиња кои покажуваат работи што на тогашниот човек било невозможно да му биле познати. Ова е првпат претставено во книгата Chariots of the Gods? од Ерик вон Даникен, во која тој понатаму тврди дека вонземјани дошле на Земјата во тоа време и му помогнале на човекот да напредне, при што помогнале во градењето на пирамидите, Стоунхенџ бла бла бла... Некои велат не, некои велат да, но кој може да ја знае вистината? Кој, пак, може со тврдење да докаже дека вонзејмани не постојат и дека не дошле на земјава?

Ова е мое гледиште и го сметам за доста објективно. Не го негирам фактот дека некои случаи и видувања се неверојатно убедливи, но најмногу ќе се радувам и коментирам на денот кога ќе стапиме во контакт со тие интелигентни суштества, ако тој ден некогаш дојде. Дотогаш, или до денот кога дотичните влади на Америка и Британија (па и други) ќе изјават дека некогаш стапиле во контакт со суштества од друга планета, овој феномен, колку и да е интересен, мора да остане дел од поп-културата.

Игор, одлично мислење (баш ко пост е ) , имам слушнато за тоа со пирамидите и да ти кажам БАШ ВЕРУВАМ дека е таа информација точна, едноставно не е возможно тогашниот човек да изгради толкави објекти користејќи само робови или поточно речено само човечка сила.

Пред неколку години кога Јапонците (не ми текнува од кое здружение) пробале да изградат минијатурна пирамида слична по облик на Кеопсовата користејќи ја најновата техника, зафатот им бил неуспешен, што мислам дека доволно говори само по себе. Ако денешните машини не можат да изградат пирамида, тогаш како можеле поранешни луѓе сами тоа да го сторат?!

Патем, не знам дали си читал, ама пирамида беше пронајдена и на Марс (барем според сликите од сателитот на НАСА кој орбитира околу „црвената планета“), а ако ова испадне дека е вистина, тогаш ќе нема никаква дилема во поглед на ова прашање. За жал, се’ уште сме далеку од било какви истражувања на Марс. Впрочем, ние сме далеку и од истражување (па и патување!) на Месечината, а не пак на Марс...

Знам, интересно е тоа за пирамидите. А тоа за Марс немам слушнато дека нашле пирамида. Само знам за она „лицето на Марс“, но тоа се докажа дека е само карпа... Оптичка варка. :)


Не знам дали си слушнал и за теоријата дека метеорот којшто најверојатно го започнал животот на земјава всушност потекнува од Марс! Некои научници тврдат дека Марс порано била населлива планета и дека во водите на Марс има бактерии. Последното истражување докажа дека има вода. Е сега, колку има од тоа вистина, не се знае. Дали постоел живот на Марс пред да започне живот на Земјата и колку тој живот бил развиен може некој ден ќе се дознае кога човечка нога ќе стапне на Марс (А тоа може нема да се случи во наш животен век )

Исто е интересна случката со оној метеоритот ALH84001, којшто дооолго беше истражуван мислејќи дека на него има бактерија! Но се докажа спротивното. (Точка на измама од Ден Браун е на оваа тема.)

Има многу за зборување на оваа тема.......

Далеку од тоа дека сум сигурен,или дека тврдам во тоа,само ја разгледувам спротивноста на хипотезата во која што се претставени вонземјаните.
Можно е да изгледаат сосема различно,но никој не ја отфрлува можноста дека изгледаат како луѓето.

igorpp напиша:

Знам, интересно е тоа за пирамидите. А тоа за Марс немам слушнато дека нашле пирамида. Само знам за она „лицето на Марс“, но тоа се докажа дека е само карпа... Оптичка варка. :)

Знаев за ова, а за пирамидата прочитав на А1 и на неколку други сајтови, а исто така гледав за тоа и во шоуто на Миленко (зашто и он е попален по вакви ствари). Сега побарав и на Гуглето, ама најдов само некои мали сликички, кои за жал се конфузни...

Цитат :

Не знам дали си слушнал и за теоријата дека метеорот којшто најверојатно го започнал животот на земјава всушност потекнува од Марс! Некои научници тврдат дека Марс порано била населлива планета и дека во водите на Марс има бактерии. Последното истражување докажа дека има вода. Е сега, колку има од тоа вистина, не се знае. Дали постоел живот на Марс пред да започне живот на Земјата и колку тој живот бил развиен може некој ден ќе се дознае кога човечка нога ќе стапне на Марс (А тоа може нема да се случи во наш животен век )

Првпат слушам за теоријава! =)) Чудно во најмала рака хехе.

Цитат :

Има многу за зборување на оваа тема.......

Се согласувам, ама барем сега знам дека на форумов не сум единствен кој се интересира на темава. =)))

Нормално дека на си, јас и брат ми колку ноќи неспиени имаме читано за вакви работи по нетов, стварно е језиво

Спектакуларно
откритие или плод на современата технологија. Мексиканската државна
телевизија објави снимка на наводно - мртво бебе вонземјанин, за кое
дел од научниците тврдат дека е автентичен вид на животно какво не
познава планетава. Го пронашле мексикански фармери, приклештено во
замка за животни, додека вреска и се грчи од болка.

Првичните
анализи велат дека станува збор за суштество со физички карактеристики
на гуштер, а со ментални на човек. Големиот мозок особено во задниот
дел на черепот, според научниците, наведува дека станува збор за многу
интелигентен вид, кој покрај другото има способност долго да остане под
вода. Резултатите од ДНК анализата ќе покажат дали животното е реална
причина за сензација или уште еден обид за стекнување публицитет.

Ако сте регистрирани на Замунда и сте заинтересирани за теоријата дека вонземјани дошле на земјата во античко време, еве ви една интересна документарка, но да предупредам дека не е многу објективна, и покрај обидот да биде. Најголемиот дел од оние што зборуваат се оние до смрт убедени во таа теорија, па не можете да извлечете никакво второ мислење. Сепак, интересно е да се види за да се дознаат сите теории, иако не треба да се голтнат здраво за готово, зашто тоа е само едно мислење и една теорија и не постојат докази дека е вистинита. Ќе слушнете од бесмислености до интересни прашања.

http://zamunda.net/details.php?id=186099&hit=1