PIEL DE OTONO, Televisa|2004/5

Есенска кожа е мексиканска теленовела продуцирана од популарната Телевиса. Серијата е римејк на "Белези на душата" исто така популарна стара мексиканска новела. Римејкот своето прикажување го имаше во 2004 година и забележа неверојатно добри критики за разлика од некои други новели емитувани во истиот период. Рејтингот не беше енормен но за тоа критиките беа одлични каде и да се прикажуваше. Во главните ликови се појавија Лаура Флорес и Рене Стиклер, додека главните негативци ги глумеа Серхио Гојри и Сабин Моусиер.

Piel de otono - Есенска кожа
Број на епизоди: 90
Година на прикажување: 2004/5
Земја на потекло: Мексико

Синопсис:
Три смели и силни жени, Лусија и нејзините две најдобри пријателки, Росарио и Триана, секогаш се заедно за време на тешкотии и неверства во бракот, во болест и здравје. Рамон, сопругот на Лусија, се претворил во злобен материалист и постојано ја понижува на јавни места. Тој дури успеал да ги заврти децата против неа и тие се држат од неа оддалечено. Лусија, со скршено срце и понижена од злобните сопруг и деца, се претворила во темна сенка на жена, едно несигурна и тажна судбина, која веќе не знае за што да живее. Единствени среќни мигови во животот и се оние поминати пред компјутерот. Таа го открива своето срце пред виртуелен другар, кој ја разбира, советува и теши. Малку по малку, таа дознава дека е вљубена во тој мистериозен човек, чие лице никогаш не го видела, чии глас таа само си го претставува во соновите и кој на интернет е наречен “Ветар”. За тоа време Росарио исто така е измачувана од сопствениот проколнат брак. Таа успеала да избега заедно со своите две невозрасни деца од гневот на Виктор, нејзиниот ужасен маж. Триана, третата пријателка од триото, води живот, и една голема љубов. Откако го пронаоѓа својот сопруг во прегратките на својата најдобра пријателка во Шпанија, Триана се преселува во Мексико, каде го среќа Мартин и заедно споделуваат повеќе од 30 годишна љубов и среќа. После смртта на Мартин, Триана дознава, дека наскоро ќе биде со него, бидејќи страда од рак. Пред да умре, Триана и го остава апартманот во Мексико на Росарио, а имотот во Шпанија на Лусија. Во Шпанија Лусија го запознава Сантијаго, познат сликар. На крај на краиштата љубовта кон Сантијаго ќе ја натера да се врати обратно во Мексико и да се справи лице во лице со демоните од минатото. Таа се разведува од својот сопруг и се враќа при Сантијаго. Иронично, но подоцна дознаваме, дека Сантијаго не е некој друг, туку нејзината љубов од интернет. Љубовта на Сантијаго ја тера да се роди повторно, со сила на една нова, есенска љубов. Никогаш не е предоцна да сакаш повторно – да преживееш романса, која е подобра и поубава од сите пред тоа.