AMOR GITANO, Televisa|1999

Жешка љубов е историска мексиканска мини теленовела која зборува за едно историско време каде грофовите владееле со животите на жените и на обесправените, време каде Циганите не се ни сметале за луѓе, време на сурови неправди и забранети романси. Жешка љубов е приказна за страста и авантурите со константни моменти на исчекување и возбуда за гледачите, а е режирана од Педро Дамијан. Карлос Енрике Иглезијас ја пее насловната песна Amor Gitano.

Жешка љубов – Amor Gitano
Земја на потекло: Meксико
Година: 1999
Епизоди: 55


Ова е превозбудлива приказна за искрената љубов родена меѓу богатата маркиза Адријана де Асатолфи и Ренцо Циганот во време каде такви љубови се сосем забранети, циганскитеплемиња се прогонувани, а богатите девојки се верени и за богати грофови. Но уште на почетокот, нивната љубов наидува на пречка од богатиот гроф Родолфо Фарнесио кој по секоја цена сака да се ожени со убавата Адријана. За да го раздели Циганот од неговата идна сопруга, дон Родолфо го обвинува Ренцо за злосторство кое не го сторил и затоа го испраќа на доживотна робија на злогласниот Остров на осудениците. Таму Ренсо го чека вистински пекол, тој знае дека никој жив не излегол од тој остров и е подложен на секојдневна макотрпна работа, измачување и експлоатација...а сите затвореници се осудени на тој остров на смрт затоа што на еден или друг начин им згрешиле на благородниците, како што и Ренсо му згреши на Фарнесио затоа што се вљуби во маркизата. Откако Адријана дознава што се случило со нејзиниот сакан Ренсо, заминува на островот претставувајќи се како Луна, една од затвореничките. Ренсо е убеден дека Адријана го испратила на тој остров, па нивната љубов се претвора во меѓусебна омраза. Родолфо дознава за неверството и измамата на неговата вереница, заминува на островот и повторно ги разделува Ренсо и Адријана, и со тоа Адријана ја враќа во градот во богатата вила. Адријана добива амнезија и е приморана да стане сопруга на злобниот гроф. Од друга страна,. Ренсо успева да ги прелаже чуварите на островот и да избега, а во градот се враќа со сосем друг идентитет, сега е богат човек чија единствена цел е да му се одмазди на Родолфо Фарнесио за злото кое му го нанел. Во богатиот Ренсо се вљубува и злобната и користољубива проститутка Иса Валенти, чија единствена цел е на било кој начин да стане богата, дали преку Ренсо, Фарнесио или братот на Адријана, маркизот Умберто Астолфи. Иса Валенти и грофот Фарнесио до самиот крај ќе се обидуваат на секој можен начин да ги разделуваат Ренсо и Адријана, а сега најголема пречка им претставува детето на Адријана, кое е всушност и син на Ренсо... Меѓутоа најголемиот проблем за грофот настанува откако ќе дознае дека Ренсо е всушност вистинскиот наследник на богатството на Фарнесио, Rенсо е синот на страиот Клементе Фарнесио...и затоа Родолфо сфаќа дека Ренсо мора да умре!

Улоги: Маурисио Ислас, Мариана Сеоане, Хектор Санчез, Наилеа Норвинд, Алехандро Камачо, Мануел Охеда, Мариа Рубио, Ракел Олмедо