ROSALINDA, Televisa|1999

Росалинда е една од најпознатите мексикански теленовели. Оваа теленовела беше снимана и премиерно преикажувана во Мексико во 1999 година. Серијата го освои целиот свет, како и нашата земја, продадена е во над 180 земји. Оваа теленовела кај нас се емитуваше на МТВ Телевизија, во 2002 година. Во главната улога се појавува познатата мексиканска пејачка Талија, која исто така ја испеа и насловната нумера Аy amor. Оригиналната приказна е на Делиа Фиало (Касандра, Луз Марија, Фиорела,), а режијата на добропознатиот Салвадор Мехиа Алехандре. Серијата е римејк на сериите Марија Тереза, Пролет и Росаангелика. Ова е последната теленовела која ја сними Талија пред да се пресели со сопругот Томи Мотола во Њујорк. Росалинда е најпопуларната новела било кога прикажана на Филипините.
Мексиканската продукција Телевиса издаде и оригинален ДВД пакет од серијата Росалинда. Во пакетот се состоат 3 двд цедеа, со сите 80 епизоди.


РОСАЛИНДА - ROSALINDA
Година на прикажување: 1999
Епизоди : 80


Росалинда е работлива девојка од работничката класа. Работи во цвеќарницата на дедо Флорентино. Кога мајката на Росалинда умира, таа останува со својот татко Хавиер, со сестрите Федра и Луси и братот Бето. Федра е себична девојка, додека пак Луси е добра како Росалинда. Бето е криминалец, лажго и крадец. Хавиер дознава дека една од трите ќерки не е негова ќерка на смртната постела од неговата сопруга, и ја започнува истрагата. Росалинда го запознава Фернандо Хосе Алтамирано дел Кастилјо кога разнесува цвеќе во ресторанот на Херардо, пријателот на Фернандо. Тие се заљубуваат, но мајка му на Фернандо, злобната Валерија ја забранува оваа врска, бидејќи Росалинда е од сиромашна класа. Од тогаш почнуваат сплетките и страдањата за милата Росалинда, кои ќе кулминираат откако Валерија и згодниот Фернандо Хосе ќе дознаат дека мајката на Росалинда го убила таткото на Фернандо Хосе. Од тој момент Фернандо се откажува од својата сопруга Росалинда, го добива старателството за нивното дете, а Росалинда, целата потиштена и разочарана, останува на улица и полудува...Сите ќе поверуваат дека Росалинда е мртва откако ќе се запали лудницата, но милата и наивна девојка сега е подготвена со нов идентитет да се соочи со фамилијата на Фернандо Хосе и да си ја поврати својата ќерка...

Улоги : Талија, Фернандо Кариљо, Лупита Ферер, Нора Салинас, Анхелика Марија, Андријана Фонсека