QUINCEANERA, Televisa|1987

Петнаесетгодишна е мексиканска теленовела, продуцирана од Телевиса во 1987 година каде деби во светот на теленовелите имаа денес мегапопуларните Талија и Адела Нориега. Серијата е напишана од веќе покојниот кубански актер Рене Муњоз, а продуцирана од маестралната Карла Естрада. Насловната нумера "Quinceañera" ја исполнува бендот Timbiriche во кој учествувала и Талија. Серијата доживеа и римејк верзија во 2000 година од Телевиса - "Primer amor... a mil por hora". Карла Естрада за прв пат зборува за теми како што се дрога, насилство и грабежи.
Петнаесетгодишна стана најдобра теленовела во 1987 година, а пред таа година истата награда ја понесе Колевка на волците.


ПЕТНАЕСЕТГОДИШНА - QUINCEANERA
Земја на потекло: Мексико
Година: 1987
Епизоди: 183 (30 минути)


Марикруз (Адела Нориега) и Беатриз (Талија) се соученички и најдобри другарки, и покрај фактот што Марикруз е сиромашна, а Беатриз потекнува од богато и моќно семејство. Тие се 14 - годишни и чекорат кон 15 година од животот која носи многу зрелост, премин од девојче кон веќе израсната девојка и жена.
Со својата убавина, милата Марикруз ги привлекува момчињата околу себе, а меѓу многуте додворувачи се и Панчо, механичар со чиста душа и Мемо, уличен криминалец и член на гангстерите. Марикруз се вљубува во Панчо, но нејзината мајка не ја подржува таа врска затоа што не сака сиромашен дечко за нејзината ќерка. Таа сака да направи голема и луксузна забава за нејзината ќерка Марикруз по повод 15. роденден, а воедно сонува еден ден нејзината ќерка да ја омажи за богат и згоден дечко како што е Серхио, братучедот на Беатриз.
Но, Мемо не се откажува од љубовта кон Марикруз, решава да ја раздели од Панчо. Затоа ја дрогира и ја тера да верува дека ја силувал. Мислејќи дека го предала саканиот и од срам, Марикруз раскинува со Панчо.
Од друга страна, Беатриз се вљубува во братот на нејзината другарка Марикруз - Герардо. Но, како што ја воспитува ќерката, така и синот Герардо е воспитан од мајка му дека треба да бара богата девојка како што е Беатриз. Беатриз останува бремена од Герардо.
Така, Беатриз и Марикруз сфаќаат дека нивните посакувани 15 години и преминот во зрелоста и не е така лесен и едноставен како што мислеа. разликата е најголема во љубовните проблеми кои ги носи тој период...


Улоги: Tалија, Адела Нориега, Ернесто Лагуардија, Себастијан Лигарде, Наилеа Норвинд, Рене Муњоз, Рафаел Рохас, Бланка Санчез