RINA, Televisa|1977

Првата верзија на Марија Мерцедес и Невина, новела која ги украде срцата на милиони гледачи ширум светот.
Офелија Медина, како несреќната продавачка на лото ливчиња и Енрике Алварез Феликс, како огорчениот ерген кој ќе ја земе наивната хероина за жена, во обид да наследи големо богатство, се помни како една од теленовелите со најрозовa и најубава љубовна приказна било кога раскажана.




Кратка содржина:
Рина е скромна девојка која продава цвеќиња и лото ливчиња на улица, во обид да го издржи своето семејство. Девојката има маана и куца на едната нога. Еден ден случајно, среќата ќе и се насмевне, кога во една луксузна вила ќе го запознае стариот Леополдо, кој освоен од нејзината наивност и добрина ќе и предложи да ја земе за жена, со цел да и го остави сето свое богатство, а со тоа да ги казни своите роднини, кои го чекаат наследството. Рина одлучува да биде дел од играта на старецот, а по неговата смрт, кога ќе ја наследи неговата империја и сите пари, фамилијата на дон Леополдо започнува војна со несреќната девојка. Рафаела, снаата на починатиот старец, го принудува својот син Карлос Аугусто да се ожени со Рина, со цел да и го преземат наследството. Но, она што најмалку Рафаела очекуваше да се случи, ќе ги спои Рина и Карлос во една несекојдневна љубовна приказна, исполнета со љубомора, завист и интриги.

Поради големата популарност и лесно прифатливата приказна, 12 години по премиерата во Мексико, Венецуелската телевизија направи свој римејк, Rubi Rebelde, за подоцна Телевиса да ја адаптира истата приказна во уште две тв класики, Maria Mercedes со Талија и онаа последната Inocente de ti.

Улоги: Ofelia Medina (Rina); Enrique Alvarez Felix (Carlos Augusto); Maria Rubio (Rafaela); Otto Sirgo (Roman); Magda Guzman (Chana); Salvador Pineda (Nena).