JURO QUE TE AMO, Televisa|2008/9

ЗАСЕКОГАШ ВЉУБЕНИ е класична мексиканска теленовела, римејк на популарната Los parientes pobres (од 1993 година, главната улога ја толкувала Лусеро). Серијава во Мексико со прикажување започна на 28 јули заменувајќи ја теленовелата Рајска бура и постигна просечен успех за тој термин. Меѓу првите земји кои ја прикажаа оваа новела беше Србија, па после неа и Црна Гора, БиХ и Македонија. Во главните улоги на оваа класична љубовна приказна се појавуваат младите актери Ана Бренда Контрерас и Хосе Рон. Насловната нумера "Juro Que te Amo" ја изведува David Bisbal.
"ЗАСЕКОГАШ ВЉУБЕНИ" е приказна за првата тинејџерска љубов, горчината и разочарувањата што следат по неа, болните солзи по изгубената љубов, врелата страствена љубов и горчливиот вкус на неверството и предавството. Невозвратената љубов која уништува наспроти несебичната љубов која охрабрува и заштитува. И на крај, вистинската искрена љубов без лаги која не воодушевува, не учи како да веруваме, да даваме и да живееме.


ЗАСЕКОГАШ ВЉУБЕНИ - JURO QUE TE AMO
Период на прикажување: 28 Јули 2008 - 6 Фебруари 2009
Епизоди: 140


Виолета Мадригал e прекрасна млада девојка, која живее во малиот град Пуерто дел Сиело со своите родители Амадо и Антонија, нејзините браќа Хулио и Даниел и сестрата Лиа. Нејзиното семејство некогаш било најбогато во градот, но кога го изгубиле богатството жителите на градот ги покажале своите вистински лица. Ако порано биле љубезни и полни со почит, сега се злобни и ги навредуваат.
Хустино Фрегосо е најмоќниот и најзлобен човек во градот. Своето богатство го стекнал на сомнителен начин и е виновен за пропаѓањето на фабриката Емпреса де Кобре која била семеен бизнис на Мадригалови. Неговата сопруга Малена и ќерката Мариела уживаат во новостекнатите моќ и статус во општеството. Мариела не пропушта прилика да ја понижи и навреди Виолета. Сепак, Амадо е уверен дека единствен виновник за неговата пропаст е неговиот роднина Маријано Ласкано. Со него биле партнери во работата, но Маријано се повлекол кога Антонија ја раскинала свршувачката со него и се омажила за Амадо. Огорченоста на Амадо е толку голема што им ја пренел и на своите деца, особено на Хулио и Виолета. Мријано се оженил со Леонора, но нивниот семеен живот не е онаков каков што тој посакува. Тоа е брак без љубов, а нивните деца Ренато, Пабло и Ивана се себични и емоционално далечни.
По смртта на Амадо, животот на Виолета станува уште потежок. Ќе мора да се бори за да го исполни ветувањето кое таа и брат и Хулио ќе му го дадат на нивниот татко пред да умре - да го спасат семесјтвото од сиромаштија. Мариела Фрегосо ќе и прави штета во секоја прилика и ќе се бори со неа за љубовта на Макс. Макс е бесрамен и користољубив, успева да ја освои Виолета со својот шарм. Таа ќе верува дека е вљубена во него додека не го запознае Хосе Марија - чесно и трудољубиво момче кое на прв поглед ќе се вљуби во Виолета, за него таа е жената од неговите соништа и е решен да ја освои нејзината љубов. Млада и неискусна, Виолета лесно ќе биде заведена од лажните ветувања на Макс, сигурна дека е вљубена во него. Но, Хосе Марија нема да се откаже.
Со нерешени љубовни проблеми, Виолета гледа како финансиската состојба на нивното семејство е се полоша. Околностите ќе ги присилат да отидат да живеат во куќата на Маријано во градот. Таму ќе мораат да ја трпат нељубезната Фауста, тетка на Леонора, која ужива да ги гледа како страдаат и постојано им прави злобни сплетки. Животот на Мадригалови е тежок, но тие се имаат едни со други да се поддржуваат и да се сакаат.


Улоги: Ana Brenda, Jose Ron, Patricia Navidad, Alexis Ayala, Alejandro Ávila, Cecilia Gabrielа, Mariana Karr, Natasha Dupeyrón, Imanol, Florencia de Saracho, Lourdes Reyes, Adriano, Alberto Agnesi, Lily Goret, Marcelo Córdoba, Xavier Marc, Héctor Sáez, Germán Gutiérrez, Jessica Coch, Joana Brito