MANANA ES PARA SIEMPRE, Televisa|2008/9

Вечна љубов е мексиканска теленовела, продуцирана од Никандро Диаз. Серијата е римејк на популарната колумбиска теленовела од 2006 год. - "Pura Sangre" и ја раскажува приказната за една фамилија и еден човек кој преку платен убиец сака да ја уништи таа фамилија. Во главните улоги настапуваат Лусеро (Алборада, Љубовни врски) која после 12 години повторно се појавува на малите екрани како негативка, Силвија Наваро која за прв пат настапува во серија од Телевиса и популарниот мексикански актер Фернандо Колунга. Оваа серија претставува враќање и на Рохелио Гера во светот на новелите по цели 13 години. Серијата со прикажување во Мексико започна на 20 октомври делејќи го својот термин со последните епизоди од серијата "Врела крв".
Големото финале на серијата траеше три часа и доживеа шокантна гледаност од 45%.


ВЕЧНА ЉУБОВ - MANANA ES PARA SIEMPRE
Период на емитување: 20 октомври 2008 - 14 јуни 2009
Број на епизоди: 160


Фамилијата Елисалде живее среќен и хармоничен живот на својата хациенда. Стариот дон Гонзало е среќно оженет со Монсерат и имаат пет деца - Фернанда, Лилијана, Сантјаго, Камило и Анибал. Фернанда другарува со Едуардо, синот на готвачката Соледад и од мали нозе меѓу нив постои интересна поврзаност.
Семејството Елисалде не знае дека е цел на напад од страна на еден мистериозен човек Артемио Браво, кој живее за да го уништи семејството Елисалде поради настани од минатото. Неговиот прв шпион за таа опасна игра е Ребека Санчез, бескрупулозна и ладнокрвна млада жена која е пратена од Артемио Браво да ја уништи фамилијата Елисалде, па затоа таа се вработува во компанијата на Елисалде под името Барбара Греко и станува лична аситентка на дон Гонзало поради нејзината способност за манипулација со луѓето. Со текот на времето, Барбара Греко ги придобива сите членови во семејството, освен Лилијана, најстарата ќерка на дон Гонзало. Првата наредба која Барбара Греко ја добива од својот шеф Артемио е да ги уништи готвачката Соледад и нејзиниот син. Фаќајќи ги Фернанда и Едуардо во млад невин бакнеж, Барбара му кажува на Гонзало дека Едуардо е опасност за неговата ќерка и дека тој треба да оди во воено училиште надвор од градот. Така, Гонсало ги разделува Фернанда и Едуардо, на големо незадоволство на децата Следната задача која мора да ја изврши Барбара е да стане госпоѓа Елисалде, да се омажи со Гонзало, а пред тоа да ја тргне Монсерат од патот. Барбара ја убива Монсерат со перница, а и поставува дрога на Лилијана и ја обвинува за смртта на мајка и, па така Лилијана е пратена во лудница. На чистиот пат, Барбара успева да се омажи со Гонзало, да влезе во компанијата како газдарица и да почне со планот за финансиско уништување на Елисалде. Соледад е единствената која ги дознава сите злосторства на Барбара, но е прнудена да молчи затоа што Барбара и се заканува дека ќе и го убие синот. Затоа и Соледад е принудена да спречи било какво поврзување на Фернанда и Едуардо во текот на годините.
Годините поминуваат... Лилијана е во лудница и е постојано дрогирана од луѓе на Барбара Греко. Барбара манипулира со целата фамилија и добива свој нов соучесник - Дамјан, кој ќе треба да се ожени со Фернанда.
Едуардо после завршувањето на магистратурата во странство се враќа дома кај својата мајка која е тешко болна. Таа му кажува за нејзините стравови, за злосторствата на Барбара, потоа умира и Едуардо решава да ја одмазди нејзината смрт така што ќе ја натера Барбара да плати за се. Користејќи го името Франко Санторо, Едуардо успева да започне соработка со компанијата на Елисалде, а притоа никој да не се посомнева дека е тој всушност синот на готвачката Соледад. Фернанда е привлечена од новиот дојденик чија цел е да се одмазди и на Барбара, и на Фернанда за која мисли дека многу лесно го заборавила. Пред нејзината смрт, Соледад и дала на Лилијана мал ковчег каде се чуваат сите тајни и неволји со надеж дека еден ден ќе се ослободи и ќе ги каже сите гревови кои и го уништија животот. Едуардо со помош на Лилијана ќе им ја открие Барбара на полицијата. Црниот облак кој виси над семејството Елизалде е конечно подигнат, но ништо нема да стои на патот кон среќата на Едуардо и Фернанда, бидејќи тие знаат дека најголемата сила е вистинската љубов. Денес можеби е невозможно... но утре е засекогаш.

Улоги: Лусеро, Фернандо Колунга, Силвија Наваро, Серхио Сендел, Рохелио Гера, Мариа Рохо, Гиљермо Капетиљо, Доменика Палета, Ерика Буенфил, Роберто Палазуелос, Карлос де ла Мота, Арлет Теран, Тања Васкез