WEEDS, Showtime|2005-

Weeds - Трава
Број на сезони: 6 (засега)
Број на епизоди: 76 (засега)

За серијата:
Фанстастичниот спој, не само семејна драма и црна комедија, туку и криминалистичка серија, “Трава”, на авторката Јенџи Коан, е една од најфалените и најзапазените амерички телевизиски серии во последните неколку години. Одговор на тоа е, големата популарност, и покрај тоа што се разликува од другите серии, оваа која преку четирите сезони воодушевила бројни гледачи, а освои и неколку престижни награди, меѓу кои и Златен Глобус во 2006, за најдобра серија во категоријата комедија или мјузикл, и награда за најдобра глумица во истата категорија која ја освои Мери Луис Паркер.

Синопсис:
Во богатото предградие во Лос Ангелес, Агрестик, семејството Ботвин живее среќен живот се додека главата на семејството, Јудах, изненадно не умре за време на џогингот. Ненси Ботвин се наоѓа во ситуација каде што мора да ја превземе улогата на хранител во фамилијата. Се се врти околу едно логично решение – почнува да тргува со марихуана. Ненси дрогата ја купува од Хејли Џејмс, големата криминалка која ја запознала преку нејзиниот внук Конрад, а ја продава изгледа на сите во округот, бидејќи премногу и се троши. Сфаќајки дека и треба куќна плантажа на марихуана и добар параван за целата работа, Ненси со помош на својот раковоител и муштерија, а воедно и вечник, Даг Вилсон, отвара вистинска пекара во која на купувачите му продава вистинска работа. Истовремено, нејзиниот син Силас почнува да излегува со глувата Меган, а другиот син Шејн, сведок на смртта на татка си, почнува се чудно да се однесува. Шлагот на тортата е она кога нејзиниот друг син го гризнува за нога другото дете за време на турнирот во боречки вештини. Обидувајќи се да ја олесни ситуацијата, Ненси ќе се запознае со таткото на повреденото дете, Питер Скотсон, со кој наскоро ќе почне да излегува. На сред сите промени во дотогаш мирен и досаден живот, Ненси се спријателува со Селија Ходс, манична и манипулативна жена опседната со својот изглед, која никако не се сложува со својот сопруг Дин, како ни со ќерката Квин, бивша девојка на Силас, која ја праќа на школување во Мексико. Иако потполно различни, Ненси и Селија ќе склопат цврсто и трајно пријателство.