ALMOST PERFECT|1995-1996

Речиси совршена - Almost perfect

Сезони: 2 (24+10 епизоди)


Речиси совршена е американска ситком комедија која кај нас се прикажува на Алфа Телевизија од 19 часот секој работен ден.

Ким Купер (Ненси Тревис) е „раскината“ меѓу нејзините обврски на работа и амбициите и желбите во нејзиниот приватен живот. На работа, таа штотуку е промовирана во извршен продуцент на телевиската хит серија „Сина правда“ ("Blue Justice"), сит-ком драма која е, всушност, пародија на популарната „NYPD Blue“.
Додека работи на серијата таа мора да се соочува со големото его на сите актери во продукцијата, како и со сценаристите, сите од ред до ред машки, кои се многу љубоморни затоа што токму Ненси е унапредена.
Згора на сето тоа, Ненси ќе се вљуби во јавниот обвинител, но заради обврските на двајцата, тие многу ретко имаат шанса да бидат заедно подолго.
И покрај сите овие „мешаници“ ведриот дух и позитивна енергија е она што ја одржува Ким и што и помага да постигнува успех во сите ситуации, иако тоа понекогаш е многу комично.

Веселата Ненси Тревис
Ненси Тревис својата прва улога, веднаш по средното училиште, ја остварува во претставата „Тешко е да си Евреин“ во Американскиот еврејски театар во Њујорк. Своето образование го заокружува како стипендист на Шекспир фестивалот во Њуџерси каде што исто така остварила неколку мали улоги, но многу повеќе време посветила на анализи на остварувањата на главните актери.
После Њуџерси Ненси се појавува на сцените во Њујорк и е еден од основачите на театарската компанија „Голи ангели“ („Naked Angels“).
Своите први поголеми филмски улоги ги остварува во 1990 година со настапите во „Внатрешни работи“ со Ричард Гир и во комедијата „Се омажив за убиец со секира“ со Мајк Маерс.
Ги остварува и главните улоги во ТВ сериите што самата ги продуцира и тоа во „Речиси совршена“ и во „Работи со мене“, а од 2002 до 2004 има бележита улога и во сит-комот „Бекер“.

Улоги: Nancy Travis, Kevin Kilner, David Clennon, Matthew Letschen, Chip Zien