AMANTES, RCTV|2005

Љубовници е венецуелска историска романтична теленовела која се прикажува на локалните ТВ станици низ републиката. Оваа костимирана венецуелска теленовела ќе ги воодушеви гледачите со возбудливата приказна во која се испреплетуваат борбата за љубов и моќ. Раскошната продукција привлече големо внимание кај гледачите во сите земји каде досега се прикажувала. За потребите на теленовелата изградене е цело едно село, а глумците меѓу другото мораа да научат да јаваат, да управуваат со селски коли и да ракуваат со пушка. Костимите се изработени после темелно истражување а поголемиот дел од мебелот е позајмен од антикварници.Месеците на истражување, преку 400 часа предпродукција,продукција и снимањето на бројни локации во внатрешноста на земјата, се доказ за огромниот труд вложен во веродостојноста на приказната. Дејствието е сместено во почетокот на 20 век а произлезе од перото на ценетиот венецуелски писател Луис Колменарес. Насловната песма Que vale mas на серијата на компонира Симон Диаз, а во дует ја пеат самиот автор и популарниот пеач Јеремиас- љубимец на женската публика.


Љубовници - Amantes
Земја на потекло: Венецуела
Година: 2005
Епизоди: 120

Ова е приказна за една голема и чиста љубов меѓу младите Камило Ривера и Исабел Сармјенто, која во текот на целата серија ќе наидува на пречки кои ќе го попречуваат патот на среќата на младите љубовници. Дејството е сместено во 1910 година во едно венецуелско село каде сите жители го очекуваат падот на кометата Халеи, а со тоа и крајот на светот. Во еден ден се случува една трагедија во тоа село и од друга страна започнува една голема несреќна љубов. Саул Бехарано, најмоќниот човек во местото го убива сопствениот татко и го закопува во реката. Од друга страна, во една напуштена колиба, богатата Исабел Сармјенто и со душа и со тело му се предава на својот сосед Камило Ривера, несвесна дека овој почеток на среќа навестува и почеток на една голема несреќа. Камила живее со своите татко и мајка, а Камило со својот татко дон Умберто, сестрата Тереса и сестрата Леонор, која останала млада вдовица. Саул е опседнат со убавата Исабел и со уцени ја тера да се омажи со него, а со тоа и да се раздели од Камило. Поради долгот кон Саул и стравот дека семејството ќе му остане на улица, таткото на Исабел решава да ја жртвува ќерката и да му дозволи на Саул да се ожени со неа. Исабел е бремена и се мажи со Саул Бехарано, кој на првата брачна ноќ ја дрогира и со тоа ја присилува да поверува дека му се предала ноќта. По несреќата со еден бик, Саул останува импотентен и продолжува да верува дека малиот Хавиер е негов син. Откако неговата љубена ќе се омажи, Камило заминува во Европа да продолжи со студиите по медицина во друштво на неговата нова сопруга, мистериозната медицинска сестра Ерика Хофман... Исабел и Камило не може да ја остварат својата љубов и се приморани да станат љубовници...

Улоги: Хуан Карлос Аларкон, Шантал Бадаукс, Густаво Родригез, Иван Тамајо, Карлота Соса, Карлос Алварез, Eсперанса Магаз