LLOVIZNA, RCTV|1997

Љовисна е една од најпопуларните венецуелски теленовели со Скарлет Ортиз во улогата на легендарната Љовисна, храбра девојка која ќе помине низ многу препреки поставени од нејзиниот татко-мафијаш. Серијата е снимена од веќе непостоечката Koral ТВ, а кај нас се прикажуваше на локалните ТВ станици со српски превод.


ЉОВИСНА - LlOVIZNA
Земја на потекло: Венецуела
Година: 1997
Епизоди: 145


Љовисна е прекрасна 20 годишна девојка која расте со Маруанта Санчез, бивша проститутка и пријателка на дедото на Љовисна, Каруачи дел Рио. Каруачи, бивш затвореник и сопственик на фабрика за железо, ја дал Љовисна како бебе на Маруанта да ја чува со цел да ја заштити. Ќерката на Каруачи се викала Респландор и била убиена мистериозно веднаш по породувањето, во обид да ја скрие својата тајна врска со Пио Ерес, сопственик на мелница за челик. Пио бил бескруполозен човек и единствено сакал син, па затоа Каруачи ја дал Љовисна кај Маруанта и со тоа бил приморан, дедото да ја осуди внуката на сиромашен живот со цел да ја заштити. Така Љовисна расте во сиромашен пансион со нејзината драга маруанта која ја смета за мајка и со доста пријатели во паснионот кои цело време ќе и помагаат. По 20 години, Каруачи доживува несреќа во една мелница и на смртната постела, и кажува на Љовисна дека дон Пио пред многу години му го одзел бизнисот со челик, го наместил да го затворат и ја убил нејзината вистинска мајка. И пред да умре, Каруачи ја моли својата внука да го поврати делот кој и припаѓа, а кој пред многу години и е одземен од злобниот Пио. Љовисна решава да го исполни ветувањето дадено кон својот дедо и да му се одмазди на Пио Ерес за сите злодела. Во фабриката Љовисна среќно ќе се вљуби во Ориноко Фуего, убав, згоден и бунтовен работник во мелниците за челик. Хесус Ферер е братот на Ориноко и пред многу години ја напуштил сиромашната фамилија и поради својата амбиција, решил да студира и да биде под целосно раководство на Пио Ерес, кој ќе го одгледа, а за возврат Хесус ќе мора да ги слуша неговите наредби. Заатоа го променил името во Карони, а во куќата на Пио се вработува Нивес, мајката на Хесус и Ориноко за да биде блиску до својот син. По низа интриги, Љовисна го напушта Ориноко и се мажи со Хесус Ферер и се вработува како генерален менаџер во една од мелниците на Пио и Хесус. Тоа го прави за да го спаси животот на Ориноко од злобниот Пио и да ги дознае нелегалните зделки на Пио. Но, на патот на својата среќа со Хесус или Ориноко, постојано ќе и стои амбициозната Дијаманте Ерес, која ќе си игра и со двајцата браќа, а ќе биде соучесник на дон Пио…Љовисна ќе помине многу препреки, неволји, авантури и страдања за да на крајот ја оствари својата љубов со Ориноко и да ги докаже сите злодела на дон Пио. Таа ќе си го поврати наследството од дедото и сето она што и припаѓа, но на самиот крај ќе дознае дека дон Пио е нејзиниот вистински татко и дека цело време се бори против сопствената крв…

Улоги: Скарлет Ортиз, Луис Фернандез, Каридад Канелон, Пабло Мартин, Хавиер Видал, Хуан Карлос Баена, Хенри Кастањеда, Алфонсо Медина