KASSANDRA, RCTV|1994

Касандра е венецуелска ТВ новела која беше првата теленовела прикажана кај нас и која достигна гледаност и популарност во неописливи граници. Сценариото е напишано од Делија Фиало, а режисери се Грацио Дангело и Олегарио Барера. Оваа незаборавна теленовела имаше 150 епизоди и постигна голем успех ширум светот, а особено во Србија, Македонија, Бугарија, Русија, како и во други држави. Серијата Касандра влезе во Гинисовата книга на рекорди како ТВ серија на шпански јазик што се емитувала во најмногу држави (128). Продукција и дистрибутивна куќа на оваа серија е Coral International, сега познат како RCTV International.


Касандра - Kassandra
Земја на потекло: Венецуела
Година: 1994
Епизоди: 150


Патувачки цигански циркус доаѓа во Каракас, а една негова членка се породува и на породувањето умира и она и нејзиното бебе. Истовремено во богатата куќа на милионерот Алфонсо Ароча се породува неговата болна ќерка Андреина, раѓа девојче и умира на породувањето. Злобната, бескруполозна и амбициозна маќеа на Андреина, Ерминија има синови-близнаци од првиот брак и сака тие да го наследат богатството на нејзиниот маж Алфонсо. Поради тоа му наредува на слугата Матијас да го однесе новороденото девојче во циркусот, а на местото од богатата идна наследничка да го доведе мртвото бебе од циркусот. Следниот ден, циркусот го напушта градот, и ќерката на Андреина станува дел од него како внука на гатачката Доринда. После 20 години, во Каракас се враќа истиот циркус. Ќерката на Андреина се вика Касандара и таа е преубава млада жена, која работи во циркусот како танчерка, акробатка и ја изведува највозбудливата точка со Циганот Ранду во фрлање на ножеви. Таа е верена за Ранду, но случајно се вљубува во Луи Давид, еден од синовите на Ерминија. По игра на случајноста, Луи Давид го напушта градот и по некое време се открива целата вистина за потеклото на Касандра. Касандра доаѓа да живее во куќата на богатиот дедо, но целосна омраза и отфрлување добива од Ерминија и слугинката Росаура. Другиот син на Ерминија, злобниот Игнасио откако дознава дека Касандра е богатата наследничка, решава да се ожени со неа и да ја увери дека тој е човекот во кој се вљубила. На првата брачна ноќ, Касандра дознава зашто се оженил Игнасио со неа и самата ноќ Игнасио е убиен од Росаура, која му била љубовница во минатото...Во градот се враќа Луи Давид, кој сака да ја одмазди смртта на својот брат и го превзема неговиот идентитет. Сомнежот за убиецот на Игнасио Контрерас паѓа на младата вдовица Касандра, која е притворена за тоа убиство...Единствена подршка Касандра добива од своите пријатели од циркусот, од дедото и од тетката Хема...

Улоги: Кораима Торес, Освалдо Риос, Есперанса Магаз, Хенри Сото, Нури Флорес, Раул Ксикез