THE X-FILES|1993-2002

Досиеја икс е наградувана американска научно-фантастична телевизиска серија создадена од Крис Картер. Првобитно е емитувана на ФОКС телевизија, од 10 септември 1993 до 19 мај 2002, комплетирајќи девет сезони. Во главните улоги настапуваат Дејвид Дуковни (Фокс Молдер) и Џилијан Андерсон (Дејна Скали), ФБИ агенти кои имаат за задача да истражуваат паранормални феномени, а чести заплети се теориите на заговор за вонземјаните и нивната врска со владата.

Серијата стана многу популарна и популаризираше некои фрази како „Вистината е таму некаде“, „Никому не верувај“, „Сакам да верувам“. Обожавателите ги делат епизодите на епизоди со митолошки приказни, чија тема е инвазијата на вонземјани, и на епизоди т.н. „чудовишта на неделата“, чија тема се суштества и ситуации поврзани со паранормалното. Исто така, неколку епизоди се посветени на истражување на врската меѓу Молдер и Скали.

Американскиот магазин TV Guide ја означи Досиеја икс како една од најпопуларните телевизиски серии на сите времиња, а и како втора култна серија на сите времиња, по Ѕвездени патеки.