When the last angel falls, the fight for mankind begins.
Оригинален наслов: Legion Жанр: научна-фантастика, трилер, акција Сценарио: Peter Schink (Gotham Cafe, 2005.), Scott Stewart Режија: Scott Stewart Улоги: Paul Bettany, Dennis Quaid, Tyrese Gibson, Jon Tenney, Charles S. Dutton, Lucas Black, Kate Walsh, Doug Jones, Adrianne Palicki, Kevin Durand, Willa Holland Година на производство: 2010
Еден ресторан на крајот од светот станува поле на кое ќе се води битката за опстанок на човековата раса. Благодарение на сите глупости кои ги имаме направено, Бог ќе ја изгуби вербата во човештвото и ќе одлучи дека човековата раса повеќе не е вредна да постои. Затоа, праќа легија ангели кои ќе доведат до Апокалипса и ќе ги збришат луѓето засекогаш. Единствената надеж се наоѓа во малото запуштено ресторанче во ликот на нероденото бебе на една обична келнерка која воопшто не го ни сака детето. Ангелот Мајкл кој сè уште верува дека постои добро во луѓето, ќе се побуни против идејата на Бог за уништување на човековата раса и се спушта меѓу групата странци кои случајно ќе се најдат во запуштениот ресторан. Сите тие заедно ќе треба да се изборат за спасот на човештвото.
Научно-фантастичниот трилер “Легија” пред сè ќе ве плени со добрата актерска екипа меѓу кои ѕвездата од “Beautiful mind”, “A Knight’s tale” и “Iron man” Пол Бетани, Адриен Палицки, Лукас Блек, Кејт Волш, позната од серијата “Вовед во анатомија” и Вила Холанд, чиј очув е познатиот режисер Франсис Форд Копола.Иако во филмот има доста возбудливи моменти, како и во многуте апокалиптични филмови, крајот е предвидлив. Сепак, она кое што веројатно најмногу ќе ви остави впечаток е токму последната сцена од филмот.