RAUZAN, RTI|2000

Раузан e популарна колумбиска теленовела, реализирана од Каракол и RTI во 2000 година. Серијата се базира на новелата "Кавалерот од Раузан" на Фелипе Перез, книга објавена во 1887 година. РАУЗАН е приказна за животот и смртта, претставена на доста морбиден и темен начин, а зборува за Себастијан де Мендоза, богат и мистериозен човек, кој боледува од каталепсија. Поради интересната, но одговорна улога, Освалдо Риос значително се подготвувал читајќи книги и пребарувајќи информации за да знае како да ги долови драматичните моменти на човек - каталептичар.
Серијата беше продадена во над 100 земји и достигна неверојатна популарност, за разлика од Колумбија каде не се постигна очекуваниот успех.


РАУЗАН - RAUZAN
Година на прикажување: 2000
Број на епизоди: 100


Себастијан де Мендоза е милионер кој живее во едно мало гратче - претставителен, храбар и одлучен маж кој привлекува внимание каде и да се појави. Тој е доста атрактивен и во гратчето преовладува општо мислење дека тој човек е чуден, мистичен и проколнат затоа што сите жени се самоубиваат кои биле во врска со него. Никој освен неговиот верен слуга Борис не знае дека Себастијан всушност боледува од каталепсија, страшна болест која ја наследил од неговиот татко кој бил жив закопан, а всушност имал напад на каталепсија.
Себастијан и покрај многуте авантури и напуштања на девојките, сепак ја наоѓа вистинската љубов во милата и добродушна Соледад де Сантино. Соледад потекнува од богато семејство, живее со нејзините родители Лукас и Естер кои не ја одобруваат врската на Себастијан со нивната ќерка, знаејќи за чудните приказни кои се шират за тој човек. И покрај негодувањата од фамилијата, сепак Соледад решава да се омажи со Себастијан. На денот на венчавката, Себастијан доживува напад на каталепсија - состојба во која телото е мртво, а душата е свесна за животот на тоа битие. Сите мислат дека Себастијан е мртов и решаваат да го погребаат. Историјата се повторува, Себастијан е жив закопан како и неговиот татко, а сето тоа се случува пред очите на неговиот брат Алсидес кој отсекогаш го мразел Себастијан и ова за него претставува среќна околност. Соледад е очајна и длабоко разочарана од љубовта поради смртта на свршеникот, па така нејзините родители решаваат да ја омажат за Алсидес де Мендоза, кој исто така е вљубен во неа. Соледад открива дека е бремена од нејзината љубов Себастијан, па нејзината мајка Естер решава да го скрие срамот од јавноста. Затоа Естер ја носи Соледад кај тетката Ералсија и тајно и предлага да се ослободи од детето на Соледад кога тоа ќе се роди. По неколку месеци, Соледад раѓа ќерка, но според договорот, нејзината тетка ги разделува мајката и ќерката. Тешка и долга станува борбата на Соледад да ја најде ќерката.
Од друга страна, сиромашните просјаци Елена и Гиљермо Зуриља барајќи злато кај мртовците во гробовите, го откупуваат Себастијан и така му го спасуваат животот. Како знак на благодарност, Себастијан решава да ги поведе со себе во едно гратче каде планира да живее. Таму тој ја купува вилата Раузан и почнува да живее сосема нов живот со Елена, Гиљермо и слугата Борис. Себастијан смета дека Соледад го предала со тоа што одлучила да се омажи со брат му, тој е страшно лут на брат му и решава да се одмазди. Успева да го најде Алсидес и во заеднички дуел меѓу браќата, Алсидес умира. Понатаму во приказната, Соледад и Себастијан конечно се сретнуваат. Соледад не може да верува дека нејзиниот сакан е жив и решаваат никој веќе да не може да ги раздели. Но патот до заедничката среќа се уште не е чист за Себастијан и Соледад. Тие ќе мора да се борат против Борис кој е љубоморен на неговиот газда и кој во еден наврат ќе се обиде да го убие Себастијан, но повторно смешните Елена и Гиљермо ќе го спасат Себастијан. Во животот на Себастијан се појавуваат и злобните Асноралда, Лаис и Херкулес, првобитните сопственици на вилата "Раузан" каде сега живее Себастијан. Асноралда сака да ја омажи внуката со Себастијан за да го добие неговото наследство. Оној што ќе му помогне на Себастијан да ги разоткрие задните намери на Асноралда и Лаис е духот на починатиот маж на Асноралда, која пред многу години го убила сопругот кој сега бара одмазда.


Улоги: Osvaldo Ríos, Susana Torres, Rolando Tarajano, Talú Quintero, Carlos Duplat, Margalida Castro, Raquel Ércole, Paola Díaz, Adriana López