EL DESPRECIO, RCTV|2006

Љубов и презир е венецулска серија, снимена од јануари до август 2006 година, а е риимејк на истоимената серија од 1991 година. Серијата ја режираа Јуру Далгадо и Тони Родригез, а кај нас се прикажуваше во утринскиот термин на А1 телевизија. Љубов и презир е приказна за љубовта која може да биде потисната од многу сплетки, многу презир и злоба, кои оставаат само болка и трагедија.


ЉУБОВ И ПРЕЗИР - EL DESPRECIO
Земја на потекло: Венецуела
Година: 2006
Епизоди: 121


Младата девојка Клара Инес открива дека потекнува од богато семејство, но не може да ја открие најголемата тајна - зошто нејзините родители се откажале од неа и ја сместиле во дом за сираци. Трагајќи по семејството, Клара се запознава со Раул Веландро. Но, првата љубов се покажува како кобна по Клара. Мајката на Раул, Пастора, е жена полна со омраза и скриена тајна која ја води кон патот на одмаздата. Пред дваесет години, токму Лара ја сместила девојката во дом за сираци за да може да му осигура наследство на својот син Едило. Пастора сеуште е вљубена во нејзиниот прв сопруг Мисаел Веландро. Нивниот брак е уништен од алкохолот, а Пастора крие од него дека Раул не му е син. Во желбата да го елиминира натрапникот, таа не бира сретства со кои ќе ги тргне натрапниците, од убиство до морбидни изјави дека во семејството има инцест.
Нејзина десна рака во сите планови е Елисенда Медина, жена која и самата нема срам од неморални постапки, само за да дојде до повсок статус во семејството.
Единствениот хуман во семејството е главата на семејството, Исраел Санта Марија, вистинскиот татко на Клара, но тој не е свесен за нејзиното постоење. Неговата слабост е токму злобната Пастора, на која не може да и се спротвистави, а единствената помош ја гледа во неговиот брат Сирило. Емилио Веландро, синот на Лара е типична копија на својата мајка, амбициозен, фрустриран и опседнат со желбата за моќ. Не почитува никого, а кон својот брат Раул има само презир поради неговата хуманост. Неговата љубовница Лудмила Алварез сосема му одговара во карактерот. Нејзина главна ривалка е Беренис, ќерката на Исраел, но нејзиниот брак наскоро ќе се покаже како вистински пекол. Единствената заштита ја има во синот Мануел Хесус.
Сите овие ликови ќе станат дел од животот на Клара, која со помош на нејзината пријателка, проститутката Хортенсија Салас, ќе се обиде да си го најде местото во семејството и да се справи со сите лаги, измамаи, тајни и омрази. Но, злобната маќеа нема да мирува откако пред себе ќе ја препознае девојката која еднаш се обидела да ја убие. Овојпат, нејзиниот план е многу посуров.

Улоги: Флавиа Глеске како Клара Инес, Рикардо Аламо како Раул Веландро, Федра Лопез како Лара, Едуардо Серано како Исраел, Хачо Хует како Едило, Адолфо Кубас како Сирило, Леополдо Рено како Мисаел, Ребека Алеман како Беренисе и Џандра де Абро како Хортенсија.