IMPERIO DE CRISTAL, Televisa|1994/5

„Кристална империја“ е мексиканска теленовела продуцирана од Карлос Сотомајор и прикажувана во 1994 година. Серијата е заснована на романот „Јас, Клаудио“ на Роберт Гравес. Некои ја споредуваат новелата со класиката „Колевка на волците“ поради тоа што главната негативка (Марија Рубио) во улогата на Ливија е слично прикажана како и нејзината претходна улога на Каталина Криел во гореспоменатата новела. Серијата сепак имаше огромен успех како и во Мексико, така и во цел свет. Во Мексико таа започна веднаш по завршувањето на класикот со Талија, „Маримар“, а пред неколку години беше исто репризирана на кабловскиот канал ТЛ Новелас.

Кристална империја - Imperio de Cristal
Период на емитување: 29 август 1994 - 17 февруари 1995
Број на епизоди: 130 (од 30 минути)

Синопсис:

Софија Видал, нејзиниот сопруг Уриел и Катја, нивната мала ќерка, присуствуваат на одличната забава приредена во елегантната палата на фам. Ломбардо, сопственици на моќната кристиална империја. После ова, нивните животи никогаш нема да бидат исти. Дон Цезар, патријархот на фам. Ломбардо, ја открива во Софија неговата вечна и невозможната љубов, Елена. Елена, која загинала трагично во несреќа, кога Софија уште била дете. Цезар, без знаење на Софија, решава да се гриже за неа. Втората сопруга на Цезар, Ливија Аризменди, поранешна актерка која сонува да ја обнови својата кариера. Појавувањето на Софија сериозно ја загрижува Ливија, сметајќи ја како натрапник кој може да ја замени неа, како што Елена беше во минатото. Ливија, која крие ужасна тајна се обидува да ја оддалечи Софија од својата фамилија. Августо, најстариот син на Ливија и Цезар е злобен и амбициозен. Неговата желба е секогаш да биде наследник на империјата, и секогаш пред Октавио, синот на Цезар од неговиот прв брак. Ливија го поддржувала Августо отсекогаш и во сите негови намери. Хулио, другиот син, се враќа после неколку години студирање во странство се‘ со цел да се ожени за неговата вечна девојка, Елиса. Хулио не е дел од семејниот бизнис поради тоа што секогаш е во несогласувања со својот татко. Најмладите деца на Цезар и Јулија се близнаците Клаудио и Нарда. Клаудио страда од психолошка болест уште од своето раѓање и затоа е сместен во специјална институција веќе долго време, па затоа е и помалку во заборав од својата фамилија. Нарда е каприциозна и трврдоглава, дури и мисли дека е жртва од несложниот брак на љубовта на нејзините родители.

Августо е ослепен за Софија па тој со неговите идеи се обидува да ја добие по секоја цена како и да го уништи нејзиниот брак. Но неговите мисли ќе бидат конечно на пасење откако Уриел ќе ја напушти Софија и нивната мала Катја. Софија и Хулио се запознаваат и помеѓу нив израснува огромна страст, поради што Хулио мора да ја прекине неговата врска со Елса. Ривалството помеѓу Августо и Хулио, за љубовта на Софија, израснува во голема омраза и вртолаг од интриги, корупција и насилна желба за моќ. Фатално, но и опасно исто така, оваа Кристална империја може да ги скрши илјадниците желби на оние кои се обидуваат по секоја цена да ја остварат својата цел.

Улоги: Ребека Џонс (Софија/Елена), Ари Телч (Хулио), Алехандро Камачо (Августо), Кејт дел Кастиљо (Нарда), Игнасио Лопез Тарсо (Цезар), Марија Рубио (Ливија), Сесилија Габриела (Естер)