GREEK, ABC Family|2007-

GREEK е американска тинејџерска серија која се емитува на кабловската телевизија АВС Family, содржи 2 сезони со третата најавена. Првата сезона содржи 22 епизоди и е поделена на 2 поглавја, исто и втората, две поглавја и 22 епизоди. Серијата ги следи животите на група млади луѓе кои за време на својот престој на факултет живеат во братства и сестринства. Насловот на серијата се однесува на целиот систем од братстава и сестринства кој е наречен така, а не на државата Грција ниту на нешто од неа. Серијата не се емитува на стандардните американски телевизии, и сметајќи го тоа има солидна гледаност.

Го следи животот на младиот Расти Картрајт, непопуларно момче, мислејќи само на својата иднина а не на забавата. Решен да го смени својот живот решава да се придружи на братство. Неговата сестра од друга страна, Кејси Картрајт е прекрасна русокоса и најпопуларна девојка на кампусот. Нејзин најголем кошмар е да се дознае дека има брат. Таа е претседател на најпрестижното сестринство во кампусот ZBZ (зета бета зета, зи би зи), сестринство по која секоја девојка копнее. Најистакната членка е Ешли Хоуард, најдобрата другарка на Кејси која постојано живее во нејзината сенка, како и Френи Морган постара ученичка која не се согласува со правилата на Кејси и отвора свое сестринство. Ребека Логан, прекрасна девојка, ќерка на градоначалник доаѓа на кампусот барајќи сестринство, Кејси сакајќи да ја зголеми репутацијата на своето сестринство ја моли да им се придружи, одлука за која подоцна зажалува. Кејси е исто така и девојка на најпопуларното момче во кампусот Еван Чејмберс, исто така претседател на братство, братсвото ΩΧΔ (омега хај), најугледното братство на кампусот. Чии членови се најугледните момчиња, спортисти и академци.

Кепи, претседател на братството KTΓ (капа тау) братство познато по бескрајните забави и лудувањето. Но Кепи иако навидум лудо и безгрижно момче, има чувства кон Кејси Картрајт, неговата поранешна девојка. Меѓу останатите ликови спаѓаат, Келвин момче кое го наследува своето место во Омега Хај, добар пријател на Расти, но со тајна која може да му загрози се во животот, и најдобриот пријател на Расти, Дејл, самоуверен и со свои ставови, одлучен да го затвори целиот greek систем.

Серијата покрај многубројните љубовни врски, се сосредоточува и на пријателството, а во најголем дел и на ривалствата помеѓу одредни ликови. Серијата има достигнато популарност и кај машката, а и кај женската популација како и кај личности од 12 па се до 30 години. Богата е со сцени, хумор, забава и прекрасна актерска екипа. Серијата ја обработува познатата тематика популарност & непопуларност, но на повистинит, а воедно и потопол начин за разлика од останатите американски серии. Серијата не се емитува на македонските телевизии, но се емитува на кабелската телевизија FOXlife. Првата сезона заврши во јули 2009, и оттогаш секој викенд се емитуваат репризите од истата сезона.