TRES IRMAS, Rede Globo|2008/9

Tres Irmas - Три сестри
Број на епизоди: 179 (бразилско население)
Година на прикажување: 2008/9
Земја на потекло: Бразил

Синопсис:

Традиционалното семејство Жекитиба, кое се состои само од жени, потекнува од малиот град Карамирим. Виржинија и нејзините ќерки се познати под прекарот „Жекитибарки“ бидејќи претци им се создавачите на градот. Г-ѓа Виржинија е мајката, добра жена која е сопственичка на малата аптека Жекитиба. Таа е храбра жена која го пребродила напуштањето од сопругот, кој, по неколку години, загинал во пожар. Единствената причина да живее ѝ се трите ќерки: Дора, Алма и Сузана. Трите ќерки исто така, ја поддржуваат и сакаат мајка си. Дора е најстарата сестра. Таа е вдовица и знае како добро да живее. Има памет на бунтовна тинејџерка заробен во тело на вистинска жена. Таа има мало дете, Маркињо, и живее со свекрва ѝ, Виолета Акила, која ја обвинува за прераната смрт на синот ѝ Артур. Откако мајка ѝ ќе се разболи, таа ќе поминува повеќе време во Карамирим, каде ќе го запознае ортопедот Бенто, во кој ќе се вљуби. Алма, средната сестра, е многу способен гинеколог. Таа е идеалист кој се бори за правата на жените, но има слабост кон машкиот пол и сѐ уште си ја нема најдено сродната душа. Таа е моментално девојка на Робињо. Живее во Рио де Жанеиро, но откако ќе раскине со Робињо и ќе дознае дека мајка ѝ е болна, ќе се врати во Карамирим каде повторно ќе се сретне со Грег, нејзината голема љубов од детството и нему ќе му се препушти за да ја доживее љубовта како што досега ја немала доживеано. Најмладата сестра, Сузана е посвоена ќерка, сурферка, убава одвнатре и однадвор. Таа предава во училиштето во Карамирим и таму сите ја сакаат. Таа е единствената која живее со мајка ѝ во Карамирим. Таа е вљубена во Шанде, но таа љубов е наизглед само услуга, бидејќи Шанде останал инвалид откако во некој случај ѝ го спасил животот. Но секојдневието на Сузана и на останатите жители на Карамирим ќе се промени со доаѓањето на двете сестри од градот. Но она што навистина ќе ѝ го промени животот на Сузана е доаѓањето на Валкирија и Ерос, со кого ќе доживее страствена љубовна приказна полна со пречки. Сите три сестри се убави на свој начин. Секоја од нив е сѐ уште во потрага по голема љубов.