THE WEST WING|1999-2006

Западно крило е американска телевизиска политичка драмска серија создадена од Ерон Соркин, емитувана од 22 Септември 1999 до 14 Мај 2006 година. Западно крило е продуцирана од Ворнер Брос. Премиерно е емитувана на NBC и во десетици други земји. Заврши со седум реализирани сезони.

Серијата има добиено позитивни критики од критичари, професори по политички науки и поранешни вработени во Белата Куќа. Западно крило има освоено 2 златни глобуси и 26 еми награди (од кои 4 по ред (2000-2003) за најдобра драмска серија). Западно крило е развиена од филмот Американски претседател од 1995, за кој Ерон Соркин го напиша сценариото. Неискористени приказни за филмот, како и некои предлози од Акива Голдсмен, го инспирираа Соркин да ја создаде Западно крило.

Кај нас се емитуваше на Сител телевизија.





ЗАПАДНО КРИЛО - THE WEST WING

Земја на потекло: САД

Години на прикажување: 1999-2006

Број на сезони: 7

Број на епизоди: 156





Серијата е сместена во западното крило на Белата Куќа, а тоа е локацијата на овалната канцеларија и канцелариите на претседателскиот персонал, за време на фиктивната демократска администрација на Џосаја Бартлет (Мартин Шин).

Западно крило, како и повеќето серијализирани драми, има развлечени приказни кои траат по епизоди или сезони, но покрај овие подолги приказни, во секоја епизода има кратки случаи кои почнуваат и завршуваат во една епизода.

Повеќето епизоди го следат претседателот Бартлет и неговиот персонал како се справуваат со некои правни или политички проблеми. Една типична епизода го следи денот на претседателот и персоналот, од што произлегуваат повеќе настани поврзани со некоја одредена тема.





Улоги: Алан Алда, Стокард Шанинг, Кристин Ченоует, Дуле Хил, Алисон Џени, Моира Кели, Роб Лоу, Џошуа Малина, Мери Мекормак, Џанел Молуни, Ричард Шиф, Мартин Шин, Џими Смитс, Џон Спенсер, Бредли Витфорд