THIRD WATCH|1999-2005

Серија наградена со наградата Еми за најдобра ТВ серија и со уште 13 други Еми награди во другите категории и 24 номинации. На програмата на Алфа телевизија во тек е серијата „Трета смена“ за која велеа дека им е посветена на сите зависници од адреналин. Започнала со емитување во САД на 23 Септември 1999 година, а завршила на 6 Мај 2005. Серијата е една од ретките продукции кои доживуваат повеќе од пет сезони. „Трета смена“ се продуцираше од 1999 па се до 2005 година.
Насловната тема "Keep Hope Alive" ја изведува The Crystal Method.


ТРЕТА СМЕНА - THIRD WATCH
Земја на потекло: САД
Години на прикажување: 1999-2005
Сезони: 6
Епизоди: 132

„Трета смена“ во продукција на НБЦ е телевизиска серија, полна со акција, во која е опишана работата и животот на припадниците на полицијата, пожарникарите и на брзата помош во Њујорк за време на ноќната, трета смена. „Трета смена“ е еден од најуспешните концепти на телевизиски серијал кој ги опишува драмите, храбрите акции и емотивните преживувања на актерите на трите служби за брзи интервенции на аголот на улиците Кинг и Артур. Оттаму 55. полициска станица и 55. пожарникарска единица, заедно со брзата помош се наречени Камелот.
Серијата ја следи линијата на приказната за храбрите и посветени луѓе, но во исто време, секоја епизода носи и посебна приказна. Продуцентите на серијата не отстапија од замислата автентично да ја пренесат атмосферата од Њујорк и од активностите на полицијата, пожарникарите и лекарите и затоа таа е полна со драма, насилство и емотивен набој, како и со јазик од улиците на Големото Јаболко.


Улоги: Џејсон Вајлс, Тиа Тексада, Коби Бел, Скип Садат, Боби Канавал