Сенки | 2007

Shadows - Сенки

Премиера: 02.11.07
Трејлер: https://www.youtube.com/watch?v=Wgym4gCcEKk

Синопсис:

Успешен млад доктор, Лазар Перков, оженет за прекрасна жена со која има дете. Тој има сé – дури и неговите пријатели и роднини го нарекуваат „Лаки“. Но, изгледот некогаш залажува; и покрај сите земски задоволства, Лазар константно се обидува да ги задоволи своите мајка, татко и незаинтересирана сопруга. Секој ден му е ист, сé додека еден ден едвај преживува тешка сообраќајна несреќа.

По закрепнувањето, Лазар се соочува со луѓе кои наизглед умираат повеќе пати, и секогаш ја носат истата порака: „Врати го она што не е твое. Имај почит.“ Откако Лазар сфаќа дека овие негови привидувања не се само соништа, туку дел од секојдневниот живот, тој доаѓа до заклучок дека тие се изгубени души кои сé уште не нашле мир во другиот свет, и успева да открие што всушност треба да врати.

„Сенки“ на Манчевски на кино репертоарите во Мексико

Во јануари годинава имаше и американска кино-премиера во Њујорк, а потоа и низ САД, а се прикажуваше на редовниот репортоар и во Индија, Унгарија, Романија, Турција, Јужна
Кореја.

Филмот „Сенки“ на Милчо Манчевски, и две години по светската премиера на фестивалот во Торонто, продолжува да се прикажува низ кината во светот. Деновиве „Сенки“ почна да игра на редовниот репертоар во кината во Мексико, а мексиканскиот дистрибутер го прикажува под насловот „Меѓу мртвите“.

„Сенки“ лани играше и на филмскиот фестивал во Мексико Сити. Ова е третиот македонски филм кој воопшто се прикажува во кината во Мексико, по двата филма на Манчевски, „Пред дождот“ и „Прашина“. „Сенки“ досега играше на десетици меѓународни фестивали.

Во јануари годинава имаше и американска кино-премиера во Њујорк, а потоа и низ САД, а се прикажуваше на редовниот репортоар и во Индија, Унгарија, Романија, Турција, Јужна Кореја. Филмот е продаден за редовно кино и телевизиско прикажување и во голем дел од Европа, на Балканот и во Јужна Америка.

Извор: Кирилица