TWILLIGHT | 2008

Самрак (англиски: Twilight) е американски романтично-фантастичен филм од 2008, режиран од Кетрин Хардвик и базиран на истоимениот роман од Стефани Мајер. Протагонисти во филмот се Кристин Стујарт во улогата на Бела Свон, млада девојка која се вљубува во вампирот Едвард Кален толкуван од Роберт Петинсон. Paramount Pictures работеле на овој филм цели три години се додека целиот проект бил превземен од Summit Entertainment. Мелиса Росенберг почнала да го обработува романот во сценарио уште од 2007 и го завршила кратко пред штрајкот на сценаристите (2007-2008). Првично филмот бил сниман во Вашингтон и Орегон во раната 2008. Самрак за првпат беше прикажуван во кината на 21 ноември, 2008 и се здобива со $35.7 милиони уште од првиот ден. Саунтракот беше издаден на 4 ноември, 2008

Twillight - Самрак
Режисер: Кетрин Хардвик
Главни улоги: Кристин Стујарт, Роберт Патинсон
Премиера: 21 ноември 2008
Буџет: $37,000,000
Бруто добивка: $246,624,887
Трејлер: https://www.youtube.com/watch?v=-fmrmzDd6a0

Синопсис:

Седумнаесет годишната Бела Свон се преселува во Форкс, Вашингтон за да живее со својот татко, Чарли, откако мајка ѝ и нејзинот очув одат на патување. Таа брзо се спријателува со повеќето деца од нејзиното ново училиште, но дознава и за една мистериозна група од ученици позната како Каленови, група од ученици со која е изолирана од останатите. Бела седнува до еден член од таа група, Едвард Кален на часот по биологија на нејзиниот прв ден, но тој се покажува како многу непријатен и покажува знаци дека се гади од неа што ја збунува Бела. По неколку дена, во училишниот двор една кола токму пред да се удри во Бела, Едвард ненајдено скокнува пред неа и ја спасува Бела удирајќи ја колата. По ова Едвард одбива да и објасни на Бела како го извел тоа што ја натерува Бела да почне се повеќе да се интересира за него.

По неколку истражувања Бела открива дека Едвард е вампир, но вампир кој се храни само со животинска крв не човечка и поради тоа тие се заљубуваат меѓусебе. Откако Едвард ја запознава Бела со неговото семејство, Карлај, Есме, Алис, Џаспер, Емет и Розали, три номадски — вампири Џејмс, Викторија и Лорент дознаваат за врската на Бела и Едвард и решаваат да ја убијат Бела. Џејмс, вампир - трагач, е загрозен поради презаштитноста на Едвард кон обичен човек и решава да ја прогонува и да ја убие само поради забава. Едвард и неговото семејство решаваат да си ги ризикуваат своите животи за да ја заштитат Бела, но Џејмс ја надитрува лажејќи ја дека ја има мајка ѝ како заложник. Џејмс ја фаќа, ја напаѓа и ја гризнува Бела, но Едвард заедно со останатите членови од неговото семејство, пристигнува токму на време пред Џејмс да ја убие. Џејмс е убиен и Едвард го исцицува отровот од гризнувањето на Џејмс од раката не Бела, спречувајќи ја да стане вампир. Повредената Бела е однесена во болница и е излечена. По ова Бела и Едвард решаваат да одат на училишната матура каде Бела изразува желба да стане вампир, но Едвард одбива. Филмот завршува покажувајќи ја Викторија на матурската како од озгора ги гледа Бела и Едвард подготвувајќи се да го одмазди Џејмс.