А1 телевизија (1)

А1 телевизија е првиот приватен електронски медиум во нашата земја, кој е основан во 1993 година. Првите новинари биле дојдени од Македонското радио, но А1 создал свој кадар со препознатлив репортерски стил.
Програмата на А1 во главно се состои од Вести (во 12:00, 16:00, 19:00 и 23:00), прајм-тајм серии и теленовели, реални шоуа, забавни емисии и блокбастери.
Во летото 2009, А1 за првпат прикажа синхронизирана латиноамериканска сапуница која наиде на многу критики, но сепак стана најгледана серија за тој термин.
Наскоро, во соработка со хрватската Ring Multimedia, А1 ќе ја снима првата македонска теленовела.

Сезона 2009/2010
Од септември А1 воведе неколку нови проекти на својата програма. Предводници се реалното шоу „Големиот брат“, како и популарното-талент шоу „Јас имам талент“. Квизовите се неизоставен дел на А1, така да и оваа сезона Трендо го води „Кој сака да биде Милионер“, а Анета Кочишки го започна првиот циклус на „Момент на вистината“. Синхронизираната турска серија „1001 Ноќ“ исто така си доби свој дел од прајм-тајмот.

Во полусезоната во јануари, А1 им го препушти „Големиот Брат“ на конкурентската Сител, а кај себе го зеде шоуто на Драган Вучиќ. Од јануари, продолжија новата сезона на серијата „Изгубени“, како и шоуто „Момент на вистината“, која се врати по краток прекин. По „Заклетва“ во утринскиот термин дојде „Дон Жуан“, исто така синхронизирана.
А1 исто така објави реклами за новото шоу „Операција Бизнис“ кое треба да почне да се емитува наскоро.