FORCA DE UM DESEJO, Rede Globo|1999

Страст и копнеж е историска бразилска теленовела која постигна огромни и незапамтливи успеси во сите земји каде што беше прикажувана како што се Боливија, Канада, Кабо Верде, Шпанија, Италија, екс Југословенските Републики, Никарагва, Русија, бившите руски републики, Венецуела, Франција, Ангола, Куба, САД, Романија, Унгариja….Во некои од овие земји бил проглаен и Ден на жалост откако умрел Баронот Енрике Собрал во серијата. Во Португалија и Црна Гора серијата достигна гледаност од 60% и сето тоа благодарение на одличната историска сага за времето на робовладетелските општества и неверојатната сценографија и костимографија која го доловува тој одамна завршен период. Серијата е авторско дело на Жилберто Брага и Серхио Маркес, а режијата е на Маркос Пауло. Во Бразил се прикажуваше во терминот за историски серии од 18 часот, а кај нас како и во сите останати земји се прикажуваше во ударен термин на Телма. За бразилското население имаше 227, а за интернационалниот пазар - 140 епизоди.


Страст и копнеж – Forca de um desejo
Земја на потекло: Бразил
Година: 1999
Епизоди: 140


Главната јунакиња на оваа приказна е Естер Делмар, скромна девојка која во светот и времето каде главниот збор го имаат мажите, успеала да се пробие благодарение на својот изглед и интелегинција. Таа е сопственичка на најпознатата јавна куќа во Рио де Жанеиро, место каде се собираат најбогатите благородници и фуккционери во потрага по незаборавни моменти на забава и дружење со куртизаните. Животот и се менува откако ќе го запознае убавиот Игнасио, постариот син на баронот Енрике Собрал, сопственик на голема плантажа на кафе во внатрешноста на Бразил. Игнасио го напушта семејството, домот и луксузот по една кавга со својот татко, кој лошо се однесувал со Хелена, покојната мајка на Игнасио. Игнасио оди во Рио де Жанеиро со скромното наследство кое му го оставил неговиот дедо и таму ја запознава преубавата Естер во која се вљубува на прв поглед. Естер не е навикната на искрено внимание и љубов пружена од машка страна, па затоа резервирано и пристапува на врската, но за кратко време се вљубува во младиот богаташ. По низа недоразбирања, Игнасио ја остава Естер, а таа се мажи со Енрике Собрал, не знаејќи дека тој е таткото на љубовта на нејзиниот живот. Енрике ја носи својата млада сопруга на богатата хациенда, не знаејќи за нејзината врска со Игнасио, што претставува уште една околност во низата на сплетки кои ќе го пратат овој интересен љубовен триаголник. Од друга страна, по 10 години во Бразил,се враќа Ижинио Вентура, најголемиот непријател на баронот Собрал кој доаѓа со неговата жена и амбициозната ќерка Алисија. Ижинио Вентура сака на секој можен начин да го уништи Собрал затоа што му ја превзел Хелена, најголемата љубов на Ижинио, па затоа ќе се се служи со најголеми интриги, гадости и убиства поврзани со семејството, плантажата и робовите на Собрал, а воедно ќе најде одлична соучесничка во злобната Идалина, бабата на Игнасио. Големо ривалство владее и меѓу синовите на баронот, Игнасио и Абелардо. Абелардо е постојано љубоморен и завидлив на својот постар брат и сака во се да се натпреварува и да биде пред него, но тој е исто така вљубен во Алисија, ќерката на Ижинио, која е вљубена во Игнасио. Во момент на очај и разочарување затоа што дознава дека токму Естер е неговата нова маќеа, Игнасио решава да се ожени со Алисија и да падне во мрежа на сплетки и лаги од Алисија и нејзиниот злобен татко Ижинио Вентура… Дејството достигнува кулминација кога е убиен баронот Собрал, а осомничени се и неговите синови, и неговата сопруга Естер, снаата Алисија, тештата Идалина, Ижинио Вентура... Меѓутоа дури во последната епизода се открива дека вистинскиот убиец на Баронот е сопругата на Ижинио Вентура, мајката на Алисија.

Улоги: Малу Мадер, Фабио Асунчао, Режиналдо Фариа, Пауло Бети, Наталија Тимберг, Лавиниа Власак, Нелсон Дантас, Клаудија Абреу